ഫ്രഞ്ച് ഓപ്പൺ വേദിയായ റൊളാങ് ഗാരോസിൽ പിഎസ്ജിയുടെ ഹോം ഗ്രൗണ്ടായ പാർക് ദെ പ്രിൻസസ് സ്റ്റേഡിയത്തിൽ ചാംപ്യൻസ് ലീഗ് ഫൈനലിൽ പിഎസ്ജിയും ഇന്റർ മിലാനും ഏറ്റുമുട്ടി. അതേ സമയത്തിൽ തന്നെ ഫ്രഞ്ച് ഓപ്പണിൽ നൊവാക് ജോക്കോവിച്ചും ഫിലിപ് മിസോളിക്കും തമ്മിലുള്ള പോരാട്ടവും നടന്നിരുന്നു. ഇന്ററിനെ 5–0നു പിഎസ്ജി വീഴ്ത്തി. അതുപോലെ മിസോളിക്കിനെയും വീഴ്ത്തി ജോക്കോവിച്ച് ഫ്രഞ്ച് ഓപ്പണിന്റെ 4–ാം റൗണ്ടിൽ കടന്നു. സ്കോർ: 6-3, 6-4, 6-2.
തുടർച്ചയായ 16–ാം വർഷമാണു ജോക്കോ റൊളാങ് ഗാരോസിൽ നാലാം റൗണ്ടിലെത്തുന്നത്. ഇത്തവണ, നാലാം റൗണ്ടിൽ ജോക്കോവിച്ചിനു മുന്നിൽ മറ്റൊരു ലക്ഷ്യം കൂടിയുണ്ട്; റൊളാങ് ഗാരോസിലെ 100–ാം വിജയം. റാഫേ‍ൽ നദാലിനു ശേഷം ഈ നേട്ടം കൈവരിക്കുകയെന്ന ലക്ഷ്യമാണ് ജോക്കോയ്ക്കു മുന്നിലുള്ളത്.
പുരുഷ സിംഗിൾസിലെ മറ്റൊരു മത്സരത്തിൽ ഓസ്ട്രേലിയൻ താരം അലക്സി പോപ്പിറിന്നിനെ 6-3, 6-3, 6-3ന് തോൽപിച്ച ലോക 12–ാം നമ്പർ താരം ടോമി പോൾ 22 വർഷത്തിനിടെ ഫ്രഞ്ച് ഓപ്പൺ ക്വാർട്ടർ ഫൈനലിലെത്തുന്ന ആദ്യ അമേരിക്കക്കാരനായി.
ഞായറാഴ്ച നടന്ന ഏറ്റവും ആവേശകരമായ വനിതാ സിംഗിൾസ് പോരാട്ടത്തിൽ, നിലവിലെ ചാംപ്യനായ ഇഗ സ്യാംതെക് ക്വാർട്ടർ ഫൈനലിൽ കടന്നു. സ്കോർ: 1-6, 6-3, 7-5. കഴിഞ്ഞ വർഷത്തെ ഫൈനലിസ്റ്റ് ജാസ്മിൻ പവോലിനിയെ 4-6, 7-6(6), 6-1നു തോൽപിച്ച യുക്രെയ്ൻ താരം എലീന സ്വിറ്റോലിനയാണ് ക്വാർട്ടറിൽ ഇഗയുടെ എതിരാളി.