ന്യൂഡൽഹി : സൗദി അറേബ്യയിലെ പ്രമുഖ ക്ലബ്ബായ അൽ-നാസർ എഫ് സി ഗോവയ്‌ക്കെതിരായ എ.എഫ്.സി. ചാമ്പ്യൻസ് ലീഗ് 2 എവേ മത്സരത്തിനായി തിങ്കളാഴ്ച രാത്രി ഇന്ത്യയിലെത്തും. എന്നാൽ, ഒക്ടോബർ 22-ന് നടക്കാനിരിക്കുന്ന മത്സരത്തിൽ അവരുടെ മാർക്വീ താരമായ ക്രിസ്റ്റ്യാനോ റൊണാൾഡോ ടീമിനൊപ്പം ഉണ്ടാകാൻ സാധ്യതയില്ല.(Cristiano Ronaldo unlikely to travel to India for FC Goa clash )
സൗദി അറേബ്യൻ സ്‌പോർട്‌സ് പത്രമായ 'അൽ റിയാദിയ'യുടെ റിപ്പോർട്ട് പ്രകാരം, എഫ്.സി. ഗോവ മാനേജ്‌മെന്റിന്റെ നിരവധി അഭ്യർത്ഥനകൾ ഉണ്ടായിരുന്നിട്ടും 40-കാരനായ റൊണാൾഡോ യാത്രാ സംഘത്തിന്റെ ഭാഗമാകില്ല.
കോണ്ടിനെന്റൽ ക്ലബ് ടൂർണമെന്റിലെ അൽ-നാസറിൻ്റെ മൂന്നാം മത്സരമാണിത്. ഫറ്റോർഡയിലെ ജവഹർലാൽ നെഹ്‌റു സ്റ്റേഡിയത്തിലാണ് മത്സരം നടക്കുക. അൽ-ഫത്തേയ്‌ക്കെതിരായ ലീഗ് വിജയത്തിന് ശേഷമാണ് അൽ-നാസർ ഈ മത്സരത്തിനായി ഒരുങ്ങുന്നത്.