ദുബായ്: ഏഷ്യ കപ്പ് 2025 ഇന്ത്യ-പാകിസ്ഥാൻ മത്സരത്തിൽ വിജയിച്ച ഇന്ത്യ, പാകിസ്ഥാന് ഹസ്തദാനം നൽകാതിരുന്നത് സംബന്ധിച്ച് നിലനിൽക്കുന്ന വിവാദങ്ങൾ തുടരുന്നു(Asia Cup 2025). ഇന്ത്യയുമായുള്ള ഹസ്തദാനം സംബന്ധിച്ച തർക്കത്തിൽ യുഎഇക്കെതിരായ ഏഷ്യാ കപ്പ് അവസാന ഗ്രൂപ്പ് മത്സരം പാകിസ്ഥാൻ ബഹിഷ്കരിക്കാൻ തീരുമാനിച്ചതായി റിപ്പോർട്ട്. ഇന്ത്യൻ സമയം രാത്രി 8 മണിക്ക് നടക്കാനിരുന്ന മത്സരമാണ് ബഹിഷ്കരിച്ചത്.
ഹസ്തദാന വിവാദത്തിൽ ഐസിസി മാച്ച് റഫറി ആൻഡി പൈക്രോഫ്റ്റ് ഇന്ത്യയുടെ പക്ഷം ചേർന്നതായി പിസിബി ആരോപിച്ചിരുന്നു. എന്നാൽ ഈ ആവശ്യം ഐസിസി നിരസിച്ചു. ഇതാണ് തീരുമാനത്തിന് പിന്നിലെന്നാണ് വിവരം.
നിലവിൽ സ്റ്റേഡിയത്തിലേക്ക് പുറപ്പെട്ട ടീമിനോട് ഹോട്ടലിൽ തന്നെ തുടരാനും യുഎഇക്കെതിരായ മത്സരത്തിനായി വേദിയിലേക്ക് പോകരുതെന്നും പിസിബി ആവശ്യപ്പെട്ടിട്ടുണ്ട്.