കാസർഗോഡ്: ശബരിമല തീർത്ഥാടകരുമായി പോയ ബസ് കാസർഗോഡ് അപകടത്തിൽപ്പെട്ടു. മാലോം കാറ്റംകവലയിലെ മറ്റപ്പള്ളി വളവിൽ വെച്ചാണ് ബസ് നിയന്ത്രണം വിട്ട് അപകടത്തിൽപ്പെട്ടത്. അപകടത്തിൽ ഒരാൾക്ക് ജീവൻ നഷ്ടമാവുകയും നിരവധി പേർക്ക് പരിക്കേൽക്കുകയും ചെയ്തു.(Bus carrying Sabarimala pilgrims met with an accident in Kasaragod, One dies tragically )
മൈസൂർ ചിഞ്ചിലക്കട്ടെ സ്വദേശിയായ ഹരീഷ് (36) ആണ് അപകടത്തിൽ മരിച്ചത്. 45 പേർക്ക് പരിക്കേറ്റതായാണ് റിപ്പോർട്ട്. അപകടത്തിൽപ്പെട്ട എല്ലാവരും മൈസൂർ ചിഞ്ചിലക്കട്ടെ ഗ്രാമത്തിൽ നിന്നുള്ളവരാണ്.
പരിക്കേറ്റവരെ ഉടൻതന്നെ അടുത്തുള്ള ആശുപത്രികളിലേക്ക് മാറ്റി. അപകടവുമായി ബന്ധപ്പെട്ട് പോലീസ് മേൽനടപടികൾ സ്വീകരിച്ചുവരികയാണ്.