ശരീരത്തിന്റെ പ്രതിരോധശേഷി വർദ്ധിപ്പിക്കാൻ സഹായിക്കുന്ന നിരവധി വിഭവങ്ങൾ കേരളത്തിന്റെ പരമ്പരാഗത ഭക്ഷണവിഭവങ്ങളിലുണ്ട്. കർക്കടക മാസത്തിൽ കഴിക്കുന്ന 'കർക്കടക കോഴി' പോഷകങ്ങളാൽ നിറഞ്ഞതാണ്. കർക്കടക കോഴി എങ്ങനെ തയ്യാറാക്കാമെന്ന് നോക്കാം.
ചേരുവകൾ
1 ½ കിലോ ചിക്കൻ
2 ടേബിൾസ്പൂൺ ഉലുവ
6 ടേബിൾസ്പൂൺ കുരുമുളക്
6 ടേബിൾസ്പൂൺ മല്ലി
2 ടേബിൾസ്പൂൺ ജീരകം
½ ടീസ്പൂൺ മഞ്ഞൾപ്പൊടി
ഉപ്പ് ആവശ്യത്തിന്
200 ഗ്രാം സവാള
3 ടേബിൾസ്പൂൺ വെളിച്ചെണ്ണ
കറിവേപ്പില
തയ്യാറാക്കുന്ന വിധം
ഉലുവ 2 മണിക്കൂർ കുതിർക്കുക. മല്ലി, കുരുമുളക്, ജീരകം എന്നിവ നേർമ്മയായി പൊടിക്കുക. വൃത്തിയാക്കിയ ചിക്കനിൽ ഈ സുഗന്ധവ്യഞ്ജന മിശ്രിതവും ഉലുവയും ചേർത്ത് മാരിനേറ്റ് ചെയ്യുക. മാരിനേറ്റ് ചെയ്ത ചിക്കൻ കുറച്ച് ഉപ്പും മഞ്ഞൾപ്പൊടിയും ചേർത്ത് കുറഞ്ഞ തീയിൽ മൂടി വെച്ച് വേവിക്കുക. വെള്ളം ഒഴിക്കരുത്. വെളിച്ചെണ്ണ ചൂടാക്കി ഉള്ളി വഴറ്റുക. ഇത് ചിക്കനിലേക്ക് ചേർത്ത് ഇളക്കി 5-8 മിനിറ്റ് കൂടി വേവിക്കുക ചിക്കൻ നന്നായി വേവുകയും വെള്ളം വറ്റുകയും ചെയ്യുമ്പോൾ കറിവേപ്പില ചേർക്കുക. എല്ലാം നന്നായി ഇളക്കി യോജിപ്പിക്കുക. 'കർക്കടക കോഴി' തയ്യാർ.