മസ്കറ്റ്: ന്യൂനമർദ്ദം രൂപപെട്ടതിനെ തുടർന്ന് രാജ്യത്തെ വടക്കൻ പ്രദേശങ്ങളിൽ വ്യാഴാഴ്ച ഒറ്റപ്പെട്ട മഴക്ക് സാധ്യതയുണ്ടെന്ന് സിവിൽ ഏവിയേഷൻ അതോറിറ്റി(സി.എ.എ)അറിയിച്ചു(Rain Alert). മുസന്ദം ഗവർണറേറ്റിലും ഒമാൻ കടലിന്‍റെ ചില ഭാഗങ്ങളിലും നേരിയ മഴയ്ക്കും സാധ്യതയുണ്ട്. വടക്കൻ ഗവർണറേറ്റുകളിൽ മഴ മേഘങ്ങൾ രൂപപ്പെടുന്നുണ്ടെന്ന് കാലാവസ്ഥ മുന്നറിയിപ്പിൽ പറയുന്നു.
2024 ഡിസംബറിൽ ഏറ്റവും ഉയർന്ന മഴ രേഖപ്പെടുത്തിയത് വടക്കൻ ബാത്തിന ഗവർണറേറ്റിലെ സുവൈഖിലാണ്. 12.2 മില്ലിമീറ്റർ മഴയാണ് ഇവിടെ ലഭിച്ചതെന്ന് കണക്കുകൾ പറയുന്നു.