കുവൈറ്റ്: കുവൈറ്റില്‍ സെക്കന്‍ഡറി സബ്സ്റ്റേഷനുകളില്‍ അറ്റകുറ്റപ്പണി നടക്കുന്നതിനാൽ ആറ് ഗവര്‍ണറേറ്റുകളിലും ഇന്ന് മുതല്‍ ജനുവരി 25 വരെ വിവിധ സ്ഥലങ്ങളില്‍ വൈദ്യുതി മുടങ്ങും(Power Supply). അറ്റകുറ്റപ്പണി ജനുവരി 18 ശനിയാഴ്ച മുതല്‍ തുടങ്ങുമെന്ന് വൈദ്യുതി, ജല പുനരുപയോഗ ഊര്‍ജ മന്ത്രാലയം പ്രഖ്യാപിച്ചു.
ഇത് മൂലം ചില സ്ഥലങ്ങളില്‍ വൈദ്യുതി മുടങ്ങും. അറ്റകുറ്റപ്പണിയുടെ ഷെഡ്യൂള്‍ അനുസരിച്ച് വിവിധ സമയങ്ങളിലാണ് വൈദ്യുതി മുടങ്ങുക. രാവിലെ 8 മണി മുതല്‍ 4 മണിക്കൂറാണ് അറ്റകുറ്റപ്പണി നടക്കുക. ജോലി അനുസരിച്ച് അറ്റകുറ്റപ്പണിയുടെ കാലയളവ് നീട്ടാനോ കുറയ്ക്കാനോ സാധ്യതയുണ്ടെന്നും അധികൃതർ അറിയിച്ചു.