ന്യൂഡൽഹി : ലോകമെമ്പാടുമുള്ള ആയിരക്കണക്കിന് ഉപയോക്താക്കളുടെ വീഡിയോ സ്ട്രീമിംഗ് സേവനങ്ങളെ ബാധിച്ച പ്രശ്നം പരിഹരിച്ചതായി യൂട്യൂബ് അറിയിച്ചു. യൂട്യൂബ് മ്യൂസിക്, യൂട്യൂബ് ടി വി അതിന്റെ പ്രധാന പ്ലാറ്റ്‌ഫോം എന്നിവയിൽ ഉപയോക്താക്കൾക്ക് ഇപ്പോൾ വീഡിയോകൾ പ്ലേ ചെയ്യാൻ കഴിയുമെന്ന് ഇവർ വ്യക്തമാക്കി.(YouTube resolves issue that briefly impacted video streaming globally)
എന്നാൽ പ്രശ്‌നത്തിന്റെ കാരണം എന്താണെന്ന് വ്യക്തമായിട്ടില്ല. വൈകുന്നേരം 7:55 ന്, യുഎസിലെ 366,172 ഉപയോക്താക്കൾ പ്രശ്‌നങ്ങൾ റിപ്പോർട്ട് ചെയ്തിട്ടുണ്ടെന്ന് ആണ് വിവരം.
യുകെ, കാനഡ, ഓസ്‌ട്രേലിയ എന്നിവിടങ്ങളിലും ആയിരക്കണക്കിന് തടസ്സങ്ങൾ റിപ്പോർട്ട് ചെയ്യപ്പെട്ടിട്ടുണ്ട്. ഉപയോക്താക്കൾ സമർപ്പിച്ച റിപ്പോർട്ടുകളെ അടിസ്ഥാനമാക്കിയുള്ളതാണ് ഇത്.