36 ല​ക്ഷം രൂ​പ സ്ത്രീ​ധ​നം ആ​വ​ശ്യ​പ്പെ​ട്ട് യു​വ​തി​യെ തീ​കൊ​ളു​ത്തി​ക്കൊ​ന്നു; അ​റ​സ്റ്റി​ലാ​യ ഭ​ർ​ത്താ​വി​ന് പോ​ലീ​സു​മാ​യു​ണ്ടാ​യ ഏ​റ്റു​മു​ട്ട​ലി​ൽ പ​രി​ക്ക്; വെ​ടി​വ​യ്ക്കു​ക​യോ തൂ​ക്കി​ക്കൊ​ല്ലു​ക​യോ ചെ​യ്യ​ണമെന്ന് യുവതിയുടെ കുടുംബം

ന്യൂ​ഡ​ൽ​ഹി: സ്ത്രീധനം ആവശ്യപ്പെട്ട് ക്രൂരമായി പീഡിപ്പിക്കുകയും, തുടർന്ന് യു​വ​തി​യെ തീ​കൊ​ളു​ത്തി കൊലപ്പെടുത്തുകയും ചെയ്ത കേസിൽ അറസ്റ്റിലായ ഭ​ർ​ത്താ​വി​ന് പോ​ലീ​സ് ഏ​റ്റു​മു​ട്ട​ലി​ൽ പ​രി​ക്ക്. ഗ്രേ​റ്റ​ർ നോ​യി​ഡ​യിലാണ് സംഭവം. നി​ക്കി ഭ​ട്ടി(28) എ​ന്ന യുവതിയെയാണ് ഭർത്താവ് വിപിൻ ക്രൂരമായി പീഡിപ്പിച്ച് കൊലപ്പെടുത്തിയത്. ക​ഴി​ഞ്ഞ ദി​വ​സം ഭ​ർ​തൃ​ഗൃ​ഹ​ത്തി​ൽ വ​ച്ച് ഗു​രു​ത​ര​മാ​യി പൊ​ള്ള​ലേ​റ്റ​ യുവതി, വ്യാ​ഴാ​ഴ്ച ഡ​ൽ​ഹി​യി​ലെ സ​ഫ്ദ​ർ​ജം​ഗ് ആ​ശു​പ​ത്രി​യി​ൽ ചി​കി​ത്സ​യ്ക്കി​ടെ​യാ​ണ് മ​രി​ച്ച​ത്. ഇ​തി​നു പി​ന്നാ​ലെ വി​പി​നെ പോ​ലീ​സ് ക​സ്റ്റ​ഡി​യി​ലെ​ടു​ത്തിരുന്നു. തുടർന്ന് തെ​ളി​വെ​ടു​പ്പി​നി​ടെ പോ​ലീ​സ് ഉ​ദ്യോ​ഗ​സ്ഥ​ന്‍റെ പ​ക്ക​ൽ നി​ന്നും തോ​ക്ക് ത​ട്ടി​യെ​ടു​ത്ത വി​പി​ൻ നി​റ​യൊ​ഴി​ച്ചു. വി​പി​നെ കീഴ്‌പ്പെടുത്താൻ ശ്ര​മി​ക്കു​ന്ന​തി​നി​ടെ പോലീസ് തിരികെ വെടിയുതിർക്കുകയായിരുന്നു എന്നാണ് റിപ്പോർട്ട്. കാ​ലി​ന് പ​രി​ക്കേ​റ്റ വി​പി​ൻ ഇപ്പോൾ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. ഇയാളുടെ നില ഗുരുതരമല്ലെന്നാണ് റിപ്പോർട്ട്.

അതേസമയം, "എ​നി​ക്ക് സ​ന്തോ​ഷ​മു​ണ്ട്. ഇ​ത്ത​ര​ക്കാ​രെ വെ​ടി​വ​യ്ക്കു​ക​യോ തൂ​ക്കി​ക്കൊ​ല്ലു​ക​യോ ചെ​യ്യ​ണം. അ​യാ​ളു​ടെ നെ​ഞ്ചി​ലാ​ണ് വെ​ടി​വ​യ്ക്കേ​ണ്ടി​യി​രു​ന്ന​ത്. ഓ​ടി ര​ക്ഷ​പ്പെ​ടു​ന്ന​വ​രെ തൂ​ക്കി​ലേ​റ്റ​ണം'. -എന്നായിരുന്നു നി​ക്കി​യു​ടെ പി​താവിന്റെ പ്രതികരണം. എന്നാൽ, "ഞാ​ൻ ഒ​ന്നും ചെ​യ്തി​ട്ടി​ല്ല. അ​വ​ൾ സ്വ​യം മ​രി​ച്ച​താ​ണ്. ഭാ​ര്യാ​ഭ​ർ​ത്താ​ക്ക​ന്മാ​ർ ത​മ്മി​ലു​ള്ള വ​ഴ​ക്കു​ക​ൾ എ​ല്ലാ​യി​ട​ത്തും സം​ഭ​വി​ക്കാ​റു​ണ്ട്. അ​തൊ​രു വ​ലി​യ കാ​ര്യ​മ​ല്ല'.-എന്നായിരുന്നു നിക്കിയുടെ ഭർത്താവ് ആ​ശു​പ​ത്രി​യി​ൽ വ​ച്ച് മാ​ധ്യ​മ​ങ്ങ​ളോ​ടു പ​റ​ഞ്ഞത്.

അതേസമയം, 36 ല​ക്ഷം രൂ​പ സ്ത്രീ​ധ​നം ആ​വ​ശ്യ​പ്പെ​ട്ട് ഭ​ർ​ത്താ​വ് വി​പി​നും ഭ​ർ​ത്താ​വി​ന്‍റെ ബ​ന്ധു​ക്ക​ളും ചേ​ർ​ന്ന് ത​ന്‍റെ ഇ​ള​യ സ​ഹോ​ദ​രി​യെ കൊ​ല​പ്പെ​ടു​ത്തി​യെ​ന്ന് സ​ഹോ​ദ​രി കാ​ഞ്ച​ൻ മാ​ധ്യ​മ​ങ്ങ​ളോ​ട് പ​റ​ഞ്ഞു. മ​രി​ച്ചു​പോ​കു​ന്ന​താ​ണ് ന​ല്ല​തെ​ന്നും വീ​ണ്ടും വി​വാ​ഹം ക​ഴി​ക്കു​മെ​ന്നും വി​പി​ൻ നി​ക്കി​യോ​ട് പ​റ​ഞ്ഞെ​ന്നും അവർപ​റ​ഞ്ഞു.നി​ക്കി​യെ ര​ക്ഷി​ക്കാ​ൻ ശ്ര​മി​ച്ചെ​ങ്കി​ലും ക​ഴി​ഞ്ഞി​ല്ലെ​ന്നും അ​വ​ർ കൂ​ട്ടി​ച്ചേ​ർ​ത്തു. ഗ്രേ​റ്റ​ർ നോ​യി​ഡ​യി​ലെ സി​ർ​സ സ്വ​ദേ​ശി​യാ​ണ് വി​പി​ൻ ഭാ​ട്ടി. ഒ​മ്പ​ത് വ​ർ​ഷം മു​മ്പാ​യി​രു​ന്നു ഇ​വ​രു​ടെ വി​വാ​ഹം.

പ​രാ​തി​യു​ടെ അ​ടി​സ്ഥാ​ന​ത്തി​ൽ ഭ​ർ​ത്താ​വ് വി​പി​ൻ, സ​ഹോ​ദ​രീ ഭ​ർ​ത്താ​വ് രോ​ഹി​ത് ഭാ​ട്ടി, ഭ​ർ​തൃ​മാ​താ​വ് ദ​യ എ​ന്നി​വ​ർ​ക്കെ​തി​രെ പോ​ലീ​സ് കേ​സ് ര​ജി​സ്റ്റ​ർ ചെ​യ്തി​ട്ടു​ണ്ട്.