ഷോപ്പിംഗിന് പോവുകയായിരുന്ന യുവതിയുടെ കയ്യിൽനിന്ന് അബദ്ധത്തിൽ താഴെ വീണ 50,000 രൂപയുമായി പട്ടാപ്പകൽ ആളുകൾ നോക്കിനിൽക്കെ യുവാക്കൾ മുങ്ങി (Theft). ജയ്പൂരിലെ ബജാജ് നഗർ ബർകത്ത് നഗർ തെരുവിലാണ് നാടകീയമായ ഈ സംഭവം നടന്നത്. സംഭവത്തിന്റെ സിസിടിവി ദൃശ്യങ്ങൾ സോഷ്യൽ മീഡിയയിൽ വൈറലായിട്ടുണ്ട്.
വിവാഹ ഷോപ്പിംഗിനായി ജയ്പൂരിൽ എത്തിയതായിരുന്നു പരാതിക്കാരിയായ സ്ത്രീയും മകളും. ഇവർ തിരക്കേറിയ റോഡ് മുറിച്ചു കടക്കുന്നതിനിടെ, കയ്യിൽ മടക്കിപ്പിടിച്ചിരുന്ന ജാക്കറ്റ് ധരിക്കാൻ ശ്രമിക്കുമ്പോൾ അതിനുള്ളിലിരുന്ന 50,000 രൂപ അടങ്ങിയ പണക്കെട്ട് താഴെ വീണു. പണം നഷ്ടപ്പെട്ടത് ശ്രദ്ധിക്കാതെ ഇവർ മുന്നോട്ട് നടന്നു.
ഈ സമയം അതുവഴി ബൈക്കിൽ പോവുകയായിരുന്ന രണ്ട് യുവാക്കൾ ഇത് കാണുകയും ഉടൻ ബൈക്ക് നിർത്തി റോഡിൽ കിടന്ന പണം കൈക്കലാക്കി വേഗത്തിൽ സ്ഥലം വിടുകയും ചെയ്തു.
അധികം വൈകാതെ പണം നഷ്ടപ്പെട്ട കാര്യം യുവതിക്ക് മനസ്സിലായി. അവർ ഉടൻ തന്നെ ബൈക്കുകാരുടെ പിന്നാലെ പോകാൻ ശ്രമിച്ചെങ്കിലും ഗതാഗതക്കുരുക്ക് കാരണം യുവാക്കളെ പിടികൂടാൻ സാധിച്ചില്ല. നിമിഷങ്ങൾക്കുള്ളിൽ അവർ അപ്രത്യക്ഷരായിരുന്നു. സംഭവത്തിൽ യുവതി പോലീസിൽ പരാതി നൽകിയിട്ടുണ്ട്
A woman lost ₹50,000 in cash during broad daylight in Bajaj Nagar, Jaipur, after the money accidentally fell from her hand while she was trying to wear a jacket near a busy road. The incident, captured on CCTV, shows two men on a bike noticing the money, picking it up, and quickly fleeing the scene while onlookers stood by.