ന്യൂഡൽഹി: പശ്ചിമേഷ്യയിൽ യുദ്ധസാഹചര്യം രൂക്ഷമായ പശ്ചാത്തലത്തിൽ ഇന്ത്യൻ വിദേശകാര്യ മന്ത്രാലയം പ്രത്യേക കൺട്രോൾ റൂം തുറന്നു. മേഖലയിലുള്ള ഇന്ത്യൻ പൗരന്മാരുടെ സുരക്ഷ ഉറപ്പാക്കുന്നതിനും അടിയന്തര സഹായങ്ങൾ നൽകുന്നതിനുമായാണ് ഈ നടപടി. രാവിലെ 9 മുതൽ രാത്രി 9 വരെയാണ് കൺട്രോൾ റൂം പ്രവർത്തിക്കുക.(West Asian crisis, Ministry of External Affairs opens control room)
1800118797 (ടോൾ ഫ്രീ)
+91 11 2301 2113
+91 11 2301 4104
+91 11 2301 7905 എന്നീ നമ്പറുകളിൽ വിളിക്കാം.
ഇസ്രായേൽ-അമേരിക്കൻ ആക്രമണത്തിൽ കൊല്ലപ്പെട്ട ഇറാന്റെ പരമോന്നത നേതാവ് ആയത്തുള്ള അലി ഖമേനിയുടെ പിൻഗാമിയായി രണ്ടാമത്തെ മകൻ മൊജ്താബ ഖമേനിയെ തിരഞ്ഞെടുത്തതായി റിപ്പോർട്ടുകൾ. ചില ഇറാനിയൻ മാധ്യമങ്ങളാണ് ഈ വാർത്ത പുറത്തുവിട്ടതെങ്കിലും ഔദ്യോഗിക സ്ഥിരീകരണം ഇതുവരെ ലഭ്യമായിട്ടില്ല.

