നാസിക്: തിരക്കേറിയ റോഡിൽ മറിഞ്ഞ പച്ചക്കറി വണ്ടിക്കാരനെ സഹായിക്കാൻ ജാതിയും മതവും നോക്കാതെ ഓടിയെത്തിയ അപരിചിതരായ യാത്രക്കാരുടെ വീഡിയോ സോഷ്യൽ മീഡിയയിൽ തരംഗമാകുന്നു (Viral Video Nashik Vegetable Cart Rescue). മഹാരാഷ്ട്രയിലെ നാസിക്കിലുള്ള നവ്ശ്യ ഗണപതി സിഗ്നലിന് സമീപമാണ് മനുഷ്യത്വം വറ്റാത്ത ഈ ഹൃദ്യമായ കാഴ്ച അരങ്ങേറിയത്.
റോഡിലെ കുഴിയിൽ വീണ് പച്ചക്കറി വണ്ടി നിയന്ത്രണം വിട്ട് മറിയുകയായിരുന്നു. ഇതോടെ വണ്ടിയിലുണ്ടായിരുന്ന പച്ചക്കറികൾ റോഡിലാകെ ചിതറിപ്പോയി. ആ സമയത്ത് ട്രാഫിക് സിഗ്നൽ പച്ചയായിട്ടും സ്വന്തം തിരക്കുകൾ മാറ്റിവെച്ച് നിരവധി യാത്രക്കാരാണ് വാഹനം നിർത്തി വണ്ടിക്കാരനെ സഹായിക്കാൻ എത്തിയത്. റോഡിൽ വീണ ഓരോ പച്ചക്കറിയും പെറുക്കിയെടുത്ത് അവർ തിരികെ വണ്ടിയിൽ വെച്ചുകൊടുക്കുന്ന ദൃശ്യങ്ങൾ കാഴ്ചക്കാരുടെ കണ്ണ് നിറയ്ക്കുന്നതാണ്.
റോഷൻ എന്ന ഇൻസ്റ്റഗ്രാം ഉപയോക്താവ് പങ്കുവെച്ച ഈ വീഡിയോ ഇതിനോടകം രണ്ട് ലക്ഷത്തിലധികം പേർ കണ്ടുകഴിഞ്ഞു. സ്വന്തം കാര്യങ്ങൾക്കായി ഓടുന്ന ഈ ലോകത്ത് മറ്റൊരാളുടെ സങ്കടത്തിൽ പങ്കുചേരാൻ കാണിച്ച ഈ വലിയ മനസ്സിനെ നെറ്റിസൺസ് വാനോളം പുകഴ്ത്തുകയാണ്. “മനുഷ്യത്വം ഇന്നും മരിച്ചിട്ടില്ല എന്നതിന്റെ തെളിവാണ് ഈ വീഡിയോ” എന്നാണ് പലരും കമന്റ് ചെയ്തിരിക്കുന്നത്. വെറുപ്പും വിദ്വേഷവും നിറഞ്ഞ വാർത്തകൾക്കിടയിൽ ഇത്തരം കുഞ്ഞു നന്മകളുടെ കാഴ്ചകൾ സമൂഹത്തിന് വലിയ ഊർജ്ജമാണ് നൽകുന്നത്.
View this post on Instagram
