മുംബൈ: ഉത്തരാഖണ്ഡിലെ ധരാലി ഗ്രാമത്തിൽ വെള്ളപ്പൊക്കം നാശം വിതച്ചതിന് ശേഷം, മഹാരാഷ്ട്രയിൽ നിന്നുള്ള 51 വിനോദസഞ്ചാരികൾ സുരക്ഷിതരാണെന്ന് സംസ്ഥാന സർക്കാർ ബുധനാഴ്ച അറിയിച്ചു.(Uttarkashi floods)
11 വിനോദസഞ്ചാരികൾ നന്ദേഡ് ജില്ലയിൽ നിന്നുള്ളവരാണെന്നും ബാക്കി 40 പേർ മഹാരാഷ്ട്രയിലെ വിവിധ ജില്ലകളിൽ നിന്നുള്ളവരാണെന്നും സംസ്ഥാന അടിയന്തര പ്രവർത്തന കേന്ദ്രം (എസ്‌ഇ‌ഒ‌സി) അറിയിച്ചു.
വിനോദസഞ്ചാരികളെ സഹായിക്കുന്നതിനും സുരക്ഷിതമായി ഒഴിപ്പിക്കുന്നതിനും മഹാരാഷ്ട്ര സർക്കാർ ഉത്തരാഖണ്ഡ് സംസ്ഥാന ദുരന്ത നിവാരണ അതോറിറ്റിയുമായും ഉത്തരകാശി ജില്ലാ ദുരന്ത നിവാരണ കേന്ദ്രവുമായും ഏകോപിപ്പിക്കുന്നു.