ഉത്തരഖണ്ഡ് മിന്നൽ പ്രളയം: 4 പേർ കൊല്ലപ്പെട്ടു; 60 പേർക്കായി തിരച്ചിൽ പുരോഗമിക്കുന്നു; സൈന്യം രക്ഷാപ്രവർത്തനത്തിന് രംഗത്ത് | Uttarakhand flash flood

ഉത്തർകാശി: ഉത്തരഖണ്ഡിലെ ഉത്തരകാശിയിൽ മേഘവിസ്ഫോടനത്തിൽ 4 പേർ കൊല്ലപ്പെട്ടു(Uttarakhand flash floods). 60 പേരെ കാണാതായിരുന്നു. ഇവർക്കായുള്ള തിരച്ചിൽ പുരോഗമിക്കുകയാണ്. ഖിർ ഗംഗ നദിയിലെ മിന്നൽ പ്രളയത്തിൽ ഡെറാഡൂണിലെ ധാരാലി ഗ്രാമം ഒലിച്ചു പോയിരുന്നു.

ഖിർ ഗംഗ നദിയുടെ ഇരു കരകളിലുമുള്ള 12 ഓളം വീടുകളും നിരവധി ബഹുനില കെട്ടിടങ്ങളും തകർന്നു വീണു. ഏകദേശം 25 ഓളം ഹോട്ടലുകളും ഹോംസ്റ്റേകളും ഒഴുകിപ്പോയി.

12 ഓളം തൊഴിലാളികൾ അവശിഷ്ടങ്ങൾക്കിടയിൽ കുടുങ്ങിക്കിടക്കുന്നതായാണ് വിവരം. അതേസമയം സംസ്ഥാന ദുരന്ത നിവാരണ സേനയ്ക്കും ജില്ലാഭരണകൂടത്തിനും ഒപ്പം രക്ഷാപ്രവർത്തനത്തിന് സൈന്യവും രംഗത്തെത്തി.