ന്യൂഡൽഹി: മെയ് മാസത്തിൽ ഉത്തരാഖണ്ഡിൽ ആറ് പേരുടെ മരണത്തിനിടയാക്കിയ ഹെലികോപ്റ്റർ അപകടത്തെക്കുറിച്ചുള്ള പ്രാഥമിക അന്വേഷണത്തിൽ, ഹെലികോപ്റ്ററിന്റെ പ്രധാന റോട്ടർ ബ്ലേഡ് ഒരു ഓവർഹെഡ് ഫൈബർ കേബിളിൽ ഇടിച്ചതിനു ശേഷം കുന്നിൻ ചരിവിലൂടെ മറിഞ്ഞ് ഒരു മരത്തിൽ ഉറച്ചുനിന്നതായി കണ്ടെത്തി.(Uttarakhand chopper crash)
അപകടത്തിന്റെ മൂലകാരണം കണ്ടെത്താൻ അന്വേഷണ സംഘം തുടർനടപടികൾക്കായി പ്രവർത്തിക്കുന്നുണ്ടെന്ന് എയർക്രാഫ്റ്റ് ആക്സിഡന്റ് ഇൻവെസ്റ്റിഗേഷൻ ബ്യൂറോ (എഎഐബി) അറിയിച്ചു.
ആറ് യാത്രക്കാരുമായി എയറോട്രാൻസ് സർവീസസ് പ്രൈവറ്റ് ലിമിറ്റഡ് നടത്തുന്ന 17 വർഷം പഴക്കമുള്ള ബെൽ 407 ഹെലികോപ്റ്റർ മെയ് 8 ന് ആകാശത്തേക്ക് പറന്നുയർന്ന് 24 മിനിറ്റിനു ശേഷം തകർന്നുവീണു.