സന്ത് കബീർ നഗർ: 13 വയസ്സുള്ള വളർത്തുമകളെ പീഡിപ്പിച്ച കേസിൽ 35-കാരനെ ഉത്തർപ്രദേശ് പോലീസ് അറസ്റ്റ് ചെയ്തു. പോലീസ് ഉദ്യോഗസ്ഥയായ പെൺകുട്ടിയുടെ അമ്മ നൽകിയ പരാതിയുടെ അടിസ്ഥാനത്തിലാണ് ഞായറാഴ്ച പ്രതിയെ പിടികൂടിയത്. (Uttar Pradesh Crime)
ഡിസംബർ 25-ന് പെൺകുട്ടി വീട്ടിൽ തനിച്ചായിരുന്ന സമയത്താണ് ക്രൂരമായ ഈ സംഭവം നടന്നതെന്ന് അഡീഷണൽ സൂപ്രണ്ട് ഓഫ് പോലീസ് സുശീൽ കുമാർ സിംഗ് അറിയിച്ചു. സ്കൂളിലെ അധ്യാപികയോട് പെൺകുട്ടി തന്റെ ദുരനുഭവം വിവരിച്ചതോടെയാണ് പീഡന വിവരം പുറംലോകമറിയുന്നത്. അധ്യാപിക ഉടൻ തന്നെ പെൺകുട്ടിയുടെ അമ്മയെ വിവരമറിയിക്കുകയായിരുന്നു.
പ്രതിക്കെതിരെ ഭാരതീയ ന്യായ സംഹിതയിലെ (BNS) വകുപ്പ് 65(1) പ്രകാരവും പോക്സോ (POCSO) നിയമപ്രകാരവും കേസ് രജിസ്റ്റർ ചെയ്തിട്ടുണ്ട്. പ്രതിയെ കോടതിയിൽ ഹാജരാക്കി ജയിലിലേക്ക് മാറ്റി.
A 35-year-old man was arrested inUttar Pradesh, for allegedly raping his 13-year-old stepdaughter. The incident occurred on December 25 when the girl, a class 5 student, was alone at home. The crime came to light after the girl confided in her teacher, who then informed her mother, a woman police constable. The accused has been charged under the Bharatiya Nyaya Sanhita and the POCSO Act.