ന്യൂഡൽഹി: പരിസ്ഥിതിലോലമായ ആരവല്ലി മലനിരകളിൽ ( Aravalli Hills) പുതിയ ഖനനാനുമതി നൽകുന്നത് കേന്ദ്രസർക്കാർ നിരോധിച്ചു. അനധികൃത ഖനനം തടയുന്നതിനും മലനിരകളുടെ ആവാസവ്യവസ്ഥ സംരക്ഷിക്കുന്നതിനും വേണ്ടിയാണ് നടപടി. ഹരിയാന, രാജസ്ഥാൻ തുടങ്ങിയ സംസ്ഥാനങ്ങൾക്കും ബന്ധപ്പെട്ട ഏജൻസികൾക്കും ഇത് സംബന്ധിച്ച നിർദ്ദേശം നൽകിക്കഴിഞ്ഞു.
ആരവല്ലി മേഖലയിൽ പുതിയ ഖനന പദ്ധതികൾക്ക് അനുമതി നൽകരുതെന്ന് സംസ്ഥാനങ്ങൾക്ക് കേന്ദ്രം ഉത്തരവിട്ടു. ഖനനം പൂർണ്ണമായും തടയേണ്ട പുതിയ മേഖലകൾ കണ്ടെത്താൻ ഇന്ത്യൻ കൗൺസിൽ ഓഫ് ഫോറസ്ട്രി റിസർച്ച് ആൻഡ് എജ്യുക്കേഷന് (ICFRE) ചുമതല നൽകി. നിലവിൽ ഖനനം നടക്കുന്ന സ്ഥലങ്ങളിൽ കൂടുതൽ കർശനമായ നിയന്ത്രണങ്ങൾ ഏർപ്പെടുത്താനും സംസ്ഥാന സർക്കാരുകളോട് ആവശ്യപ്പെട്ടിട്ടുണ്ട്.
സമുദ്രനിരപ്പിൽ നിന്ന് 100 മീറ്റർ ഉയരമുള്ള മലനിരകളെ മാത്രമേ 'ആരവല്ലി'യായി കണക്കാക്കാവൂ എന്ന സുപ്രീം കോടതിയുടെ പുതിയ നിർവചനം ഖനന മാഫിയയെ സഹായിക്കുമെന്ന് പരിസ്ഥിതി പ്രവർത്തകർ ആരോപിക്കുന്നു. ഇതിനെതിരെ കോൺഗ്രസ് പ്രതിഷേധം ശക്തമാക്കിയിരിക്കുകയാണ്. ഡിസംബർ 26-ന് ജയ്പൂരിൽ ആയിരങ്ങളെ അണിനിരത്തി വൻ പ്രതിഷേധ മാർച്ച് സംഘടിപ്പിക്കുമെന്ന് കോൺഗ്രസ് അറിയിച്ചു.
The Union Government has directed states to stop granting new mining permits in the Aravalli ranges to curb illegal activities and protect the environment. The decision comes amid rising protests led by the Congress party against a Supreme Court-approved definition that limits the Aravalli classification to peaks above 100 meters, which critics say benefits the mining mafia. While the government tasked the ICFRE to identify no-mining zones, the Congress plans a massive protest march in Jaipur on December 26 to demand stricter protection for the entire range.