ന്യൂഡൽഹി: ഡോ. ബി.ആർ. അംബേദ്കർ ആശുപത്രിയിൽ നിന്ന് തട്ടിക്കൊണ്ടുപോയ നവജാതശിശുവിനെ മണിക്കൂറുകൾക്കുള്ളിൽ ഡൽഹി പോലീസ് രക്ഷപ്പെടുത്തി. ആശുപത്രിയിലെ ലേബർ റൂമിൽ നിന്ന് രണ്ട് സ്ത്രീകൾ ചേർന്ന് കടത്തിയ കുഞ്ഞിനെയാണ് അതിവേഗ നീക്കത്തിലൂടെ പോലീസ് കണ്ടെത്തിയത്.(Two women arrested for abducting baby from labor room)
ലേബർ റൂമിലുണ്ടായിരുന്ന കുഞ്ഞിന്റെ അമ്മയുമായി പ്രതികൾ ആദ്യം സൗഹൃദം സ്ഥാപിക്കുകയായിരുന്നു. അമ്മയുടെ വിശ്വാസം നേടിയെടുത്ത ശേഷം ശ്രദ്ധമാറിയ തക്കത്തിന് ഇവർ കുഞ്ഞുമായി കടന്നുകളയുകയായിരുന്നു.
കുഞ്ഞുമായി രക്ഷപ്പെടാൻ ശ്രമിച്ച നാൽപതുകാരിയെ ഡൽഹി-മീററ്റ് എക്സ്പ്രസ് വേയിൽ വെച്ചാണ് പോലീസ് സംഘം തടഞ്ഞത്. ഇവരുടെ കൂട്ടുപ്രതിയായ അഹിർബൻ സക്സേന (20) എന്ന യുവതിയെയും പോലീസ് അറസ്റ്റ് ചെയ്തു.
