തിരുച്ചിറപ്പള്ളി: തമിഴ്‌നാട്ടിലെ തിരുച്ചിറപ്പള്ളിയിൽ രണ്ട് ശുചീകരണ തൊഴിലാളികൾ ശ്വാസംമുട്ടി മരിച്ച സംഭവത്തിൽ ദേശീയ മനുഷ്യാവകാശ കമ്മീഷൻ കേസെടുത്തു(sanitation workers). സെപ്റ്റംബർ 22 ന് മുത്തുനഗർ പ്രദേശത്തെ കാർമൽ ഗാർഡന് സമീപം പുതുതായി നിർമ്മിച്ച ഭൂഗർഭ ഡ്രെയിനേജ് പൈപ്പ്‌ലൈനിൽ ജോലി ചെയ്യുന്നതിനിടെയാണ് 2 ശുചീകരണ തൊഴിലാളികൾ ശ്വാസംമുട്ടി മരിച്ചത്.
സംഭവത്തിൽ എൻഎച്ച്ആർസി മുനിസിപ്പൽ കോർപ്പറേഷൻ കമ്മീഷണർക്കും തിരുച്ചിറപ്പള്ളി പോലീസ് സൂപ്രണ്ടിനും രണ്ടാഴ്ചയ്ക്കുള്ളിൽ വിശദമായ റിപ്പോർട്ട് ആവശ്യപ്പെട്ട് ദേശീയ മനുഷ്യാവകാശ കമ്മീഷൻ നോട്ടീസ് അയക്കുകയായിരുന്നു. അതേസമയം തിരുച്ചിറപ്പള്ളി കോർപ്പറേഷനു വേണ്ടി പദ്ധതി ഏറ്റെടുക്കുന്ന ഒരു നിർമ്മാണ സ്ഥാപനമാണ് തൊഴിലാളികളെ ജോലിക്കെടുത്തതെന്ന വിവരവും പുറത്തു വരുന്നുണ്ട്.