ന്യൂഡൽഹി: ദ്വിദിന സന്ദർശനത്തിനായി പ്രധാനമന്ത്രി നരേന്ദ്ര മോദി ഇന്ന് തമിഴ്‌നാട്ടിലെത്തും(Prime Minister Narendra Modi). വൈകുന്നേരം തൂത്തുക്കുടിയിലെത്തുന്ന പ്രധാനമന്ത്രി 7.45 ഓടെ തൂത്തുക്കുടി വിമാനത്താവളത്തിന്റെ പുതിയ ടെർമിനൽ കെട്ടിടം ഉദ്ഘാടനം നിർവഹിക്കും.
തൂത്തുക്കുടിയിൽ നിന്നുള്ള കയറ്റുമതികൾക്ക് ഏറെ പ്രയോജനം ചെയ്യുന്ന വികസനമാണ് വിമാനത്താവളത്തിന്റേതെന്നാണ് വിലയിരുത്തൽ. ഇവിടെ 4800 കോടിയിലധികം രൂപയുടെ വിവിധ വികസന പദ്ധതികൾ പ്രധാനമന്ത്രി പ്രഖ്യാപിക്കുകയും തറക്കല്ലിടുകയും ചെയ്യും. ശേഷം നാളെ തിരുച്ചിറപ്പള്ളിയിലുള്ള ഗംഗൈകൊണ്ട ചോളപുരം ക്ഷേത്രത്തിലെ ആദി തിരുവാതിരൈ ഉത്സവത്തിൽ പങ്കെടുക്കും.
മഹാനായ ചോള ചക്രവർത്തി രാജേന്ദ്ര ചോളൻ ഒന്നാമന്റെ ജന്മവാർഷികാഘോഷത്തിൽ പ്രധാനമന്ത്രി അതിഥേയത്വം വഹിക്കുമെന്നും അറിയിപ്പുണ്ട്. അതേസമയം, പ്രധാനമന്ത്രിയുടെ സന്ദർശനത്തെ തുടർന്ന് സംസ്ഥാനത്ത് അതീവ സുരക്ഷയാണ് വര്ധിപ്പിച്ചിരിക്കുന്നത്.