നോയിഡ: നോയിഡയിൽ 3 മിനിറ്റിനുള്ളിൽ ട്രാഫിക് പോലീസുകാർ ഗുരുതരാവസ്ഥയിലുള്ള നവജാത ഇരട്ടകളെ ആശുപത്രിയിൽ എത്തിച്ചു(Traffic cops). നവജാത ഇരട്ടകളെ കഴിഞ്ഞ 47 ദിവസമായി ശ്വസന, ദഹന സംബന്ധമായ അസുഖങ്ങൾ അലട്ടുകയായിരുന്നു.
മാത്രമല്ല; 26 ആഴ്ചയിൽ മാത്രം ജനിച്ച കുഞ്ഞുങ്ങൾക്ക് ഏകദേശം 700 ഗ്രാം ഭാരം മാത്രമേ ഉണ്ടായിരുന്നുള്ളു. ഡൽഹിയിലെ നജഫ്ഗഡിലെ ഒരു സ്വകാര്യ ആശുപത്രിയിൽ പ്രവേശിപ്പിച്ചിരുന്ന കുഞ്ഞുങ്ങളെ വിദഗ്ധ ചികിത്സയ്ക്കായി നോയിഡയിലെ ചൈൽഡ് പിജിഐയിലെ അഡ്വാൻസ്ഡ് നവജാത ശിശു സംരക്ഷണ യൂണിറ്റിലേക്ക് റഫർ ചെയ്യുകയായിരുന്നു.
ഇതിനു വേണ്ടി നോയിഡ ട്രാഫിക് പോലീസ് ഡിഎൻഡി ഫ്ലൈഓവർ മുതൽ സെക്ടർ 30 ലെ ചൈൽഡ് പിജിഐ ആശുപത്രി വരെ 6 കിലോമീറ്റർ നീളത്തിൽ സുഗമമായ യാത്രാ സൗകര്യം ഒരുക്കുകയായിരുന്നു. ഗുരുതരാവസ്ഥയിലായ ഇരട്ടകളെയും വഹിച്ചുകൊണ്ട് ആംബുലൻസിന് വെറും 3 മിനിറ്റും 52 സെക്കൻഡും കൊണ്ടാണ് ആശുപത്രിയിൽ എത്തിച്ചേർന്നത്.