ന്യൂഡൽഹി : മധ്യപ്രദേശിലെ ഖണ്ട്വ ജില്ലയിൽ വ്യാഴാഴ്ച ദുർഗ്ഗാ വിഗ്രഹങ്ങളുമായി പോയ ട്രാക്ടർ തടാകത്തിലേക്ക് മറിഞ്ഞ് ഏഴ് പെൺകുട്ടികൾ ഉൾപ്പെടെ പതിനൊന്ന് പേർ മുങ്ങിമരിച്ചതായി ഉദ്യോഗസ്ഥർ പറഞ്ഞു. സംഭവത്തിൽ പ്രധാനമന്ത്രി നരേന്ദ്ര മോദിയും മുഖ്യമന്ത്രി മോഹൻ യാദവും ദുഃഖം രേഖപ്പെടുത്തുകയും മരിച്ചവരുടെ ബന്ധുക്കൾക്ക് സാമ്പത്തിക സഹായം പ്രഖ്യാപിക്കുകയും ചെയ്തു.(Tractor carrying Durga idols for immersion plunges into lake in Khandwa)
പാണ്ഡാന പ്രദേശത്ത് നവദുർഗ്ഗാ ഉത്സവത്തിന്റെ അവസാനത്തിൽ വിജയദശമി ദിനത്തിൽ നിമജ്ജനം നടത്തുന്നതിനിടെ വിഗ്രഹങ്ങളെയും ഭക്തരെയും വഹിച്ചുകൊണ്ടിരുന്ന ഒരു ട്രാക്ടർ ട്രോളി ചരിഞ്ഞ് വെള്ളത്തിൽ വീണതാണ് സംഭവം.