മുംബൈ: ഡല്ഹി മുഖ്യമന്ത്രി അരവിന്ദ് കെജ്രിവാളിന്റെ രാജി പ്രഖ്യാപനത്തില് പ്രതികരിച്ച് ഗാന്ധിയന് അണ്ണാ ഹസാരെ. ഒരിക്കലും രാഷ്ട്രീയത്തിലിറങ്ങരുതെന്ന് കെജ്രിവാളിനോട് പറഞ്ഞിരുന്നതായും എന്നാല് ഇപ്പോള് പ്രതീക്ഷിച്ചത് സംഭവിച്ചുവെന്നുമായിരുന്നു അദ്ദേഹം നടത്തിയ പ്രതികരണം. കെജ്രിവാളിന്റെ രാജി പ്രഖ്യാപനത്തോട് പ്രതികരിക്കുകയായിരുന്നു അദ്ദേഹം.
'രാഷ്ട്രീയത്തിലിറങ്ങരുതെന്ന് കെജ്രിവാളിനോട് ഇതിന് മുൻപേ പറഞ്ഞിരുന്നു. സമൂഹത്തെ സേവിക്കുന്നതില് ശ്രദ്ധകേന്ദ്രീകരിക്കാന് നിര്ദേശിച്ചു. അങ്ങനെയെങ്കില് അദ്ദേഹം മഹാനാവുമായിരുന്നു. ഞങ്ങള് ഒരുപാട് കാലം ഒന്നിച്ചുണ്ടായിരുന്നു, രാഷ്ട്രീയത്തിലിറങ്ങരുതെന്ന് പലതവണ പറഞ്ഞു. എന്നാല്, അത് അദ്ദേഹം കേട്ടില്ല. ഇപ്പോള് സംഭവിക്കാനുള്ളത് സംഭവിച്ചിരിക്കുന്നു', അണ്ണാ ഹസാരെ പറഞ്ഞു.