ന്യൂഡൽഹി: ചെങ്കോട്ട വളപ്പിൽ നടന്ന ജൈന മത ചടങ്ങിൽ നിന്ന് 1.5 കോടി രൂപയുടെ മോഷണം നടത്തിയ പ്രതി പിടിയിൽ(Theft). 1.5 കോടി രൂപ വിലമതിക്കുന്ന 2 സ്വർണ്ണ കലശങ്ങളും വിലപിടിപ്പുള്ള വസ്തുക്കളും മോഷ്ടിച്ച കേസിലാണ് പ്രതിയെ പോലീസ് പിടികൂടിയത്.
ഉത്തർപ്രദേശിലെ ഹാപൂരിൽ നിന്നാണ് പ്രതിയായ ഭൂഷൺ വർമ്മ അറസ്റ്റിലായത്. ആഗസ്റ്റ് 28 നാണ് ചെങ്കോട്ട വളപ്പിൽ നിന്നും ഇയാൾ മോഷണം നടത്തിയത്.
ഇതിന്റെ സി.സി.ടി.വി ദൃശ്യങ്ങളുടെ അടിസ്ഥാനത്തിൽ നടത്തിയ അന്വേഷണത്തിലാണ് പ്രതി പിടിയിലായത്.