മുംബൈ: വാംഖഡെ സ്റ്റേഡിയത്തിലെ സ്റ്റോർ റൂമിൽ നിന്നും ഐപിഎൽ ജേഴ്സികൾ മോഷ്ടിച്ച സുരക്ഷ ഉദ്യോഗസ്ഥൻ പിടിയിൽ. സ്റ്റേഡിയത്തിലെ ബി.സി.സി.ഐയുടെ സ്റ്റോർ റൂമിൽ നിന്നാണ് 6.5 ലക്ഷം രൂപ വില വരുന്ന ജേഴ്സികൾ മോഷണം പോയത്. അധികൃതരുടെ പരാതിയിൽ അന്വേഷണം ആരംഭിച്ച പോലീസ് സെക്യൂരിറ്റി മാനേജർ ഫാറൂഖ് അസ്‌ലം ഖാനെ അറസ്റ്റ് ചെയ്തു.
ജൂൺ 13 നാണ് ഇയാൾ മോഷണം നടത്തിയത്. സ്റ്റേഡിയത്തിലെ ഓഡിറ്റിംഗിനിടയിൽ ജേഴ്സികളുടെ ഗണ്യമായ കുറവ് മനസിലാക്കിയ അധികൃതർ സി.സി.ടി.വി ദൃശ്യങ്ങൾ പരിശോധിച്ചതോടെയാണ് മോഷണ വിവരം അറിയുന്നത്. 2500 രൂപയോളം വില വരുന്ന 261 ഔദ്യോഗിക ജേഴ്സികളടങ്ങിയ പെട്ടിയാണ് ഇയാൾ മോഷ്ടിച്ചത്.