ബിഹാർ : ബിഹാറിലെ സമസ്തിപൂരിൽ, ക്ഷേത്രത്തിൽ നിന്നും പൂജിച്ച പ്രസാദം വാങ്ങാനായി പോയ പ്രായപൂർത്തിയാകാത്ത പെൺകുട്ടിയെ കൂട്ടബലാത്സംഗം ചെയ്തതായി റിപ്പോർട്ട്. ആറ് അക്രമികൾ ചേർന്ന് പെൺകുട്ടിയെ ബലമായി എടുത്ത് ഒരു പൂന്തോട്ടത്തിലേക്ക് കൊണ്ടുപോയി, അവിടെ വച്ച് ആറുപേരും മാറി മാറി പീഡിപ്പിച്ചതായാണ് റിപ്പോർട്ട്. കുറ്റകൃത്യം ചെയ്ത ശേഷം, എല്ലാ പ്രതികളും പെൺകുട്ടിയെ അവിടെ ഉപേക്ഷിച്ച് ഓടി രക്ഷപ്പെട്ടു.
ബിഹാറിലെ, ശിവാജിനഗർ പോലീസ് സ്റ്റേഷൻ പരിധിയിലുള്ള ഒരു ഗ്രാമത്തിലാണ് സംഭവം നടന്നത്. കഴിഞ്ഞ ശനിയാഴ്ച ഇരയായ പെൺകുട്ടി ജന്മാഷ്ടമിക്ക് പ്രസാദം കൊണ്ടുവരാൻ പോയതായിരുന്നുവെന്ന് പറയപ്പെടുന്നു. ഇതിനിടെ, ഗ്രാമത്തിലെ ആറ് യുവാക്കൾ പെൺകുട്ടിയെ വളഞ്ഞിട്ട് പീഡിപ്പിക്കാൻ തുടങ്ങി. പെൺകുട്ടി പ്രതിഷേധിച്ചപ്പോൾ, അക്രമികൾ അവളെ എടുത്ത് അടുത്തുള്ള ഒരു പൂന്തോട്ടത്തിലേക്ക് കൊണ്ടുപോയി കൂട്ടബലാത്സംഗം ചെയ്തു.
കുറ്റകൃത്യം ചെയ്ത ശേഷം പ്രതി സ്ഥലത്തുനിന്ന് ഓടി രക്ഷപ്പെട്ടു. എങ്ങനെയോ പെൺകുട്ടി വീട്ടിലെത്തി സംഭവം വീട്ടുകാരെ അറിയിച്ചു. തുടർന്ന് കുടുംബം പെൺകുട്ടിയെ പോലീസ് സ്റ്റേഷനിൽ കൊണ്ടുപോയി പ്രതികൾക്കെതിരെ പരാതി നൽകി. കേസ് രജിസ്റ്റർ ചെയ്ത ശേഷം പോലീസ് നടപടിയെടുക്കുകയും പ്രതികളിൽ ഒരാളെ അറസ്റ്റ് ചെയ്യുകയും ചെയ്തു.
ഈ കേസിൽ ആറ് യുവാക്കളെ പ്രതികളാക്കിയിട്ടുണ്ടെന്ന് റോസ്ഡ എസ്ഡിപിഒ സഞ്ജയ് കുമാർ സിൻഹ പറഞ്ഞു. എല്ലാവർക്കുമെതിരെ കേസ് രജിസ്റ്റർ ചെയ്ത ശേഷം, ഒരു പ്രതിയെ പോലീസ് അറസ്റ്റ് ചെയ്തു, മറ്റ് പ്രതികളെ അറസ്റ്റ് ചെയ്യാൻ റെയ്ഡ് നടത്തിവരികയാണ്. ഉടൻ തന്നെ എല്ലാ പ്രതികളെയും ജയിലിലടയ്ക്കുമെന്ന് അദ്ദേഹം പറഞ്ഞു.