പട്ന: ടവ്വൽ ഉപയോഗിച്ച് യുവാവിനെ കഴുത്ത് ഞെരിച്ച് കൊലപ്പെടുത്തി. ബിഹാറിലെ റോഹ്താസ് ജില്ലയിൽ ആണ് സംഭവം. കൊലപ്പെടുത്തിയ ശേഷം മൃതദേഹം റോഡരികിൽ വലിച്ചെറിയുകയും, തുടർന്ന് അക്രമികൾ സംഭവസ്ഥലത്ത് നിന്നും ഓടി രക്ഷപ്പെടുകയുമായിരുന്നു. സൂര്യപുര പോലീസ് സ്റ്റേഷൻ പരിധിയിലെ ഘോഷാൽദിഹ് കനാൽ പാതയിലെ ഇമിർത്ത ഗ്രാമത്തിന് സമീപമാണ് സംഭവം.
പ്രദേശവാസിയായ ജോഗീന്ദർ റാം എന്ന യുവാവാണ് കൊല്ലപ്പെട്ടത്. സഞ്ചരിച്ചിരുന്ന മൂന്ന് കുറ്റവാളികൾ ജോഗീന്ദർ റാമിനെ ടവ്വൽ ഉപയോഗിച്ച് കഴുത്ത് ഞെരിച്ച് കൊലപ്പെടുത്തി, മൃതദേഹം റോഡരികിലെ ഒരു കുഴിയിൽ വലിച്ചെറിഞ്ഞ ശേഷം ഓടി രക്ഷപ്പെട്ടു എന്നാണ് പറയപ്പെടുന്നത്. മുൻ വൈരാഗ്യത്തെ തുടർന്നുണ്ടായ കൊലപാതകമെന്നാണ് പോലീസ് സംശയിക്കുന്നത്. രിച്ച ജോഗീന്ദർ റാമും ഒരു കൊലപാതക കേസിൽ പ്രതിയായിരുന്നു.
ജോഗീന്ദർ തന്റെ ഗ്രാമമായ കബായിയിൽ നിന്ന് ഘോസിയയിലേക്ക് കൂലിപ്പണിക്ക് പോകുമ്പോഴാണ് സംഭവം. ഈ സമയത്ത് പൾസർ ബൈക്കിൽ എത്തിയ മൂന്ന് പേർ യുവാവിനെ തടഞ്ഞുനിർത്തി ശ്വാസം മുട്ടിച്ചു കൊലപ്പെടുത്തി. സംഭവത്തെക്കുറിച്ച് വിവരം ലഭിച്ചതിനെത്തുടർന്ന് ബിക്രംഗഞ്ച് എസ്ഡിപിഒ കുമാർ സഞ്ജയ് സ്ഥലത്തെത്തി അന്വേഷണം ആരംഭിച്ചു.