ചെന്നൈ : തമിഴ് സിനിമാ ലോകത്തെ ഞെട്ടിച്ചുകൊണ്ട് നടൻ വിജയ്യും ഭാര്യ സംഗീതയും വിവാഹമോചനത്തിനൊരുങ്ങുന്നു എന്ന വാർത്തകൾക്ക് പിന്നാലെ, മകൻ ജേസൺ സഞ്ജയ് പിതാവിനെ സോഷ്യൽ മീഡിയയിൽ അൺഫോളോ ചെയ്തത് വലിയ ചർച്ചയായിരിക്കുകയാണ്. വിജയ്യുടെ വ്യക്തിജീവിതത്തിലെ അസ്വാരസ്യങ്ങളാണ് ഇതിന് പിന്നിലെന്ന് ആരാധകർ സംശയിക്കുന്നു.
ഇൻസ്റ്റാഗ്രാമിൽ സജീവമായ ജേസൺ സഞ്ജയ് തന്റെ പിതാവിനെ ഫോളോ ചെയ്യുന്നത് അവസാനിപ്പിച്ചതാണ് പുതിയ അഭ്യൂഹങ്ങൾക്ക് വഴിവെച്ചത്. മാതാപിതാക്കൾക്കിടയിലെ പ്രശ്നങ്ങളിൽ സഞ്ജയ് അമ്മ സംഗീതയ്ക്കൊപ്പമാണ് എന്നതിന്റെ സൂചനയാണിതെന്ന് റിപ്പോർട്ടുകൾ പറയുന്നു.
കഴിഞ്ഞ കുറച്ചു കാലമായി വിജയ്യും സംഗീതയും വേർപിരിഞ്ഞാണ് താമസിക്കുന്നത്. വിജയ്യുടെ രാഷ്ട്രീയ പ്രവേശനവുമായി ബന്ധപ്പെട്ട ചടങ്ങുകളിലോ കുടുംബ പരിപാടികളിലോ സംഗീതയെ കാണാത്തത് ഈ സംശയങ്ങൾ ബലപ്പെടുത്തിയിരുന്നു. വിജയ്യുടെ പേരിൽ അടുത്തിടെ ഉയർന്ന ചില ഗോസിപ്പുകളും ബന്ധങ്ങളുമാണ് ദാമ്പത്യ തകർച്ചയ്ക്ക് കാരണമെന്ന് ചില തമിഴ് മാധ്യമങ്ങൾ റിപ്പോർട്ട് ചെയ്യുന്നു. എന്നാൽ ഇതിനെക്കുറിച്ച് വിജയ്യോ അദ്ദേഹത്തിന്റെ പിആർ ടീമോ ഔദ്യോഗികമായി പ്രതികരിച്ചിട്ടില്ല.
‘തമിഴക വെട്രി കഴകം’ എന്ന പാർട്ടി രൂപീകരിച്ച് സജീവ രാഷ്ട്രീയത്തിലേക്ക് ഇറങ്ങുന്നതിനിടെ കുടുംബത്തിലുണ്ടായ ഈ വിള്ളൽ വിജയ്യുടെ പ്രതിച്ഛായയെ ബാധിക്കുമോ എന്ന ആശങ്കയിലാണ് ആരാധകർ.
