ലഖ്‌നൗ: ഉത്തർപ്രദേശിലെ ലഖിംപൂർ ഖേരിയിൽ മുഹറം ഘോഷയാത്രയ്ക്കിടെ 100 അടി ഉയരമുള്ള താസിയ തകർന്നു വീണു(Tasia collapses). മുളകൊണ്ട് നിർമ്മിച്ചതും വർണ്ണാഭമായ കടലാസും തുണിത്തരങ്ങളും കൊണ്ട് അലങ്കരിച്ചതുമായ താസിയയാണ് തകർന്ന് വീണത്.
11,000 വോൾട്ട് വൈദ്യുതി ലൈനിന് മുകളിലേക്കാണ് താസിയ തകർന്നുവീണത്. ഉടൻ തന്നെ വൈദ്യുതി വിതരണം വിച്ഛേദിക്കപ്പെട്ടതിനാൽ ആർക്കും പരിക്കേറ്റില്ല. ആയിരക്കണക്കിന് ജനങ്ങളാണ് സംഭവ സമയത്ത് അവിടെ ഉണ്ടായിരുന്നത്.