മുംബൈ: റെട്രോ സ്റ്റൈലിലുള്ള വസ്ത്രധാരണം എപ്പോഴും ഫാഷൻ ലോകത്ത് പ്രിയപ്പെട്ടതാണ്. ഇപ്പോൾ എഴുപതുകളിലെ ആ പഴയ ഗ്ലാമർ ലുക്ക് പുതിയൊരു ട്വിസ്റ്റുമായി അവതരിപ്പിച്ചിരിക്കുകയാണ് നടി തമന്ന ഭാട്ടിയ (Tamannaah Bhatia). പ്രശസ്ത ഡിസൈനർ ബ്രാൻഡായ ‘തൊറാണി’ ഡിസൈൻ ചെയ്ത മനോഹരമായ പോൾക്ക ഡോട്ട് സാരിയിലാണ് തമന്ന പ്രത്യക്ഷപ്പെട്ടത്. വിന്റേജ് ലുക്കിനൊപ്പം ആധുനികതയും ചേർത്തുവെച്ച ഈ വേഷം സോഷ്യൽ മീഡിയയിൽ ഇതിനോടകം വൈറലായിക്കഴിഞ്ഞു.
മഞ്ഞയും കടും പിങ്ക് നിറങ്ങളും ചേർന്ന സാരിയിൽ വലിയ കറുത്ത പോൾക്ക ഡോട്ടുകളാണ് പ്രധാന ആകർഷണം. എഴുപതുകളിലെ ബോളിവുഡ് ഫാഷനെ ഓർമ്മിപ്പിക്കുന്നതാണ് ഈ പ്രിന്റുകൾ. ജോർജറ്റ് ഫാബ്രിക് ഉപയോഗിച്ച് നിർമ്മിച്ച ‘റാണി ഹരിണി’ എന്ന് പേരുള്ള ഈ സാരിക്ക് ഏകദേശം 19,500 രൂപയാണ് വില. സ്ലീവ്ലെസ്സ് ആയും പുറകിൽ ബോ കെട്ടാവുന്ന തരത്തിലുമുള്ള ബ്ലൗസാണ് തമന്ന ഇതിനൊപ്പം പെയർ ചെയ്തിരിക്കുന്നത്.
സാരിയുടെ പ്രത്യേകതകൾക്കൊപ്പം തന്നെ തമന്നയുടെ സ്റ്റൈലിംഗും ശ്രദ്ധിക്കപ്പെട്ടു. വസ്ത്രത്തിന് കൂടുതൽ പ്രാധാന്യം നൽകാനായി ആഭരണങ്ങൾ ലളിതമായാണ് താരം തിരഞ്ഞെടുത്തത്. വലിയ കമ്മലുകൾക്ക് പകരം ലളിതമായ കമ്മലുകളും കയ്യിൽ വളകളും മോതിരങ്ങളും മാത്രമാണ് അണിഞ്ഞത്. മുടി സൈഡ് പാർട്ടിഷൻ ചെയ്ത് വേവ്സ് സ്റ്റൈലിൽ നൽകിയത് ആ പഴയ കാലത്തെ സിനിമകളെ ഓർമ്മിപ്പിക്കുന്നതായിരുന്നു. റെഡ് കാർപെറ്റുകളിൽ സാധാരണ കാണാറുള്ള ഗൗണുകൾക്ക് പകരം ഇത്തരമൊരു പരീക്ഷണം നടത്തിയ തമന്നയെ ഫാഷൻ പ്രേമികൾ പ്രശംസിക്കുകയാണ്.
View this post on Instagram
