ജാഷ്പൂർ : ഛത്തീസ്ഗഡിലെ ജാഷ്പൂരിൽ ബഗിച്ച-ജാഷ്പൂർ റോഡിൽ എസ്‌യുവി ജനക്കൂട്ടത്തിനിടയിലേക്ക് ഇടിച്ചു കയറി(road accident). അപകടത്തിൽ 3 പേർ കൊല്ലപ്പെട്ടു. 22 പേർക്ക് പരിക്കേൽക്കുകയും ചെയ്തു. വിപിൻ പ്രജാപതി (17), അരവിന്ദ് കെർകെട്ട (19), ഖിരോവതി യാദവ് (32) എന്നിവരാണ് കൊല്ലപ്പെട്ടത്.
ചൊവ്വാഴ്ച രാത്രിയാണ് അപകടം നടന്നത്. ഗണേശ വിഗ്രഹ നിമജ്ജനത്തിനായി 100 ലധികം നാട്ടുകാർ ഘോഷയാത്ര നടത്തിയപ്പോഴാണ് സംഭവം. സംഭവത്തിൽ മദ്യപിച്ച് വാഹനം ഓടിച്ചയാളെ പോലീസ് അറസ്റ്റ് ചെയ്തു.