പാരീസ്: പഹൽഗാം ഭീകരാക്രമണത്തിൽ ആഗോള നിരീക്ഷണ സംഘടനയായ "ആഗോള ഫിനാൻഷ്യൽ ആക്ഷൻ ടാസ്‌ക് ഫോഴ്‌സ്" (എഫ്‌എടിഎഫ്) അപലപനം രേഖപ്പെടുത്തി(Pahalgam terror attack). ഫണ്ടിന്റെ ഒഴുക്കില്ലാതെ ഇത്തരമൊരു ഭീകരാക്രമണം സംഭവിക്കില്ലെന്ന് എഫ്.എ.ടി.എഫ് പറഞ്ഞു.
തിങ്കളാഴ്ച നടന്ന പ്ലീനറി യോഗത്തിന് ശേഷം എഫ്‌എടിഎഫ് പുറത്തിറക്കിയ പ്രസ്താവനയിലാണ് ഇക്കാര്യം വ്യക്തമാക്കിയിരിക്കുന്നത്. ജമ്മു കശ്മീരിലെ പഹൽഗാമിൽ പാകിസ്ഥാൻ പിന്തുണയോടെ നടന്ന ഭീകരാക്രമണത്തിൽ 26 വിനോദസഞ്ചാരികൾ കൊല്ലപ്പെട്ടിരുന്നു. പാകിസ്ഥാന്റെ ഇത്തരം നിലപാട് രാജ്യത്തെ എഫ്‌എ‌ടി‌എഫിന്റെ "ഗ്രേ ലിസ്റ്റിൽ" ഉൾപ്പെടുത്തേണ്ടതിന്റെ ആവശ്യകത സൂചിപ്പിക്കുന്നതായും യോഗം വിലയിരുത്തി.
"ഭീകര ആക്രമണങ്ങൾ ലോകമെമ്പാടും നാശം വരുത്തുകയും ഭയം ജനിപ്പിക്കുകയും ചെയ്യുന്നു. 2025 ഏപ്രിൽ 22 ന് പഹൽഗാമിൽ നടന്ന ക്രൂരമായ ഭീകരാക്രമണത്തിൽ FATF കടുത്ത ആശങ്ക രേഖപ്പെടുത്തുകയും അപലപിക്കുകയും ചെയ്യുന്നു. പണവും തീവ്രവാദ പിന്തുണക്കാർക്കിടയിൽ ഫണ്ട് കൈമാറാനുള്ള മാർഗവുമില്ലാതെ ഇതും മറ്റ് സമീപകാല ആക്രമണങ്ങളും സംഭവിക്കില്ല" - എഫ്‌എടിഎഫ് പ്രസ്താവനയിൽ പറയുന്നു.