കൊൽക്കത്ത: കൊൽക്കത്തയ്ക്ക് സമീപം ന്യൂ ടൗണിലെ സർക്കാർ നിയന്ത്രണത്തിലുള്ള അലിയ്യ സർവകലാശാലയിലെ വിദ്യാർത്ഥിയെ ഹോസ്റ്റൽ മുറിയിൽ മരിച്ച നിലയിൽ കണ്ടെത്തി(student found dead in hostel). മാൾഡ സ്വദേശിയായ അബ്ദുൾ റഹ്മാൻ്റെ (24) മൃതദേഹം തിങ്കളാഴ്ച വൈകിട്ട് ഏഴ് മണിയോടെയാണ് ഹോസ്റ്റൽ മുറിയിലെ മേൽക്കൂരയിൽ തൂങ്ങിമരിച്ച നിലയിൽ കണ്ടെത്തിയത്. റഹ്മാൻ്റെ മുറിയുടെ വാതിലിൽ പലതവണ മുട്ടിയിട്ടും പ്രതികരണം ലഭിക്കാത്തതിനെ തുടർന്ന് സഹപാഠികൾ മുറിയിൽ പ്രവേശിച്ചപ്പോഴാണ് മൃതദേഹം കണ്ടെത്തിയത്. തുടർന്ന് ഇവർ പോലീസിൽ വിവരമറിയിക്കുകയായിരുന്നു.