ഭോപ്പാൽ : സിദ്ധി ജില്ലാ ആശുപത്രിയിൽ രോഗികൾക്കായി മാറ്റിവെച്ച കിടക്കകളിൽ പോലീസുകാർ ഉറങ്ങുന്നതിന്റെയും പൊതുയിടത്തിൽ മോശമായി പെരുമാറുന്നതിന്റെയും വീഡിയോ പുറത്തുവന്നു (Sidhi District Hospital Cops Suspended). സംഭവത്തിൽ രൂക്ഷമായ പ്രതിഷേധം ഉയർന്നതോടെ നാല് പോലീസുകാരെയും സർവീസിൽ നിന്ന് സസ്പെൻഡ് ചെയ്തു. ജില്ലാ ആശുപത്രിയിൽ ഡ്യൂട്ടിക്ക് നിയോഗിക്കപ്പെട്ട പോലീസുകാരാണ് വിവാദത്തിലായത്. യൂണിഫോം ധരിച്ച നിലയിൽ തന്നെ ഇവർ രോഗികൾക്കുള്ള കിടക്കകളിൽ കിടന്നുറങ്ങുകയും ആശുപത്രി മാനദണ്ഡങ്ങൾ ലംഘിക്കുകയും ചെയ്തു.
സംഘത്തിലുണ്ടായിരുന്ന ഒരു പോലീസുകാരൻ ആശുപത്രിയിലെ വേസ്റ്റ് ബിന്നിൽ മൂത്രമൊഴിക്കുന്ന ദൃശ്യങ്ങളും പുറത്തുവന്നിട്ടുണ്ട്. ഇത് രോഗികൾക്കും ജീവനക്കാർക്കും വലിയ ബുദ്ധിമുട്ടുണ്ടാക്കി.ആശുപത്രിയിലെത്തിയ ആരോ ദൃശ്യങ്ങൾ പകർത്തി സോഷ്യൽ മീഡിയയിൽ പങ്കുവെച്ചതോടെയാണ് സംഭവം പുറംലോകമറിഞ്ഞത്. പോലീസിന്റെ ഭാഗത്തുനിന്നുണ്ടായ ഈ ലജ്ജാകരമായ പ്രവർത്തിക്കെതിരെ വ്യാപക വിമർശനം ഉയർന്നു.
വീഡിയോ ശ്രദ്ധയിൽപ്പെട്ട ഉടൻ തന്നെ ജില്ലാ പോലീസ് മേധാവി (SP) അന്വേഷണത്തിന് ഉത്തരവിട്ടു. പ്രാഥമിക അന്വേഷണത്തിൽ കുറ്റക്കാരെന്ന് കണ്ടെത്തിയതിനെത്തുടർന്ന് നാല് പോലീസുകാരെയും അടിയന്തരമായി സസ്പെൻഡ് ചെയ്തു. യൂണിഫോമിന് കളങ്കമുണ്ടാക്കുന്ന തരത്തിൽ പെരുമാറുന്ന ഉദ്യോഗസ്ഥരെ വെച്ചുപൊറുപ്പിക്കില്ലെന്നും കർശനമായ വകുപ്പുതല അന്വേഷണം തുടരുമെന്നും അധികൃതർ അറിയിച്ചു.
A video showing four on-duty policemen sleeping on a patient’s bed and even urinating in a dustbin inside the district #hospital has led to their suspension in #Sidhi, #MadhyaPradesh.
More details 🔗https://t.co/X85yt66Ljw pic.twitter.com/87ZZ9qYOjB
— The Times Of India (@timesofindia) April 15, 2026
