പട്ന: ബീഹാറിലെ കതിഹാർ ജില്ലയിൽ ചായക്കടയുടെ മറവിൽ അഞ്ച് വർഷമായി പ്രവർത്തിച്ചുവന്ന പെൺവാണിഭ സംഘത്തെ നാട്ടുകാർ പിടികൂടി (Sex Racket Busted). മുഫസ്സിൽ പോലീസ് സ്റ്റേഷൻ പരിധിയിലെ ഭാട്ട ടോള ചൗക്കിലാണ് നാടിനെ നടുക്കിയ സംഭവം പുറത്തുവന്നത്. പോലീസിന്റെ മൂക്കിന് താഴെ ഇത്രയും കാലം അനധികൃത കേന്ദ്രം പ്രവർത്തിച്ചിട്ടും നടപടിയെടുക്കാത്തതിൽ നാട്ടുകാർക്കിടയിൽ വലിയ പ്രതിഷേധം ഉയരുന്നുണ്ട്.
ബസന്തി ദേവി എന്ന സ്ത്രീയാണ് ഈ താവളം നടത്തിയിരുന്നത്. ചായക്കടയുടെ ഉള്ളിലെ രഹസ്യമുറികൾ കേന്ദ്രീകരിച്ചായിരുന്നു ഇടപാടുകൾ. നാട്ടുകാർ നിരന്തരം പരാതിപ്പെട്ടിട്ടും പോലീസ് തിരിഞ്ഞുനോക്കിയില്ലെന്നാണ് ആരോപണം. ഒടുവിൽ നാട്ടുകാർ തന്നെ രംഗത്തിറങ്ങുകയും ഇടപാടിനായി എത്തിയ ഒരു യുവാവിനെ കയ്യോടെ പിടികൂടുകയുമായിരുന്നു. എന്നാൽ നാട്ടുകാർ എത്തിയപ്പോഴേക്കും ബസന്തി ദേവിയും അവിടെയുണ്ടായിരുന്ന സ്ത്രീകളും ഓടി രക്ഷപ്പെട്ടു.
പിടികൂടിയ യുവാവിനെ നാട്ടുകാർ പിന്നീട് മുഫസ്സിൽ പോലീസിന് കൈമാറി. വർഷങ്ങളായി ഇത്രയും വലിയൊരു അനാശാസ്യ കേന്ദ്രം പ്രവർത്തിച്ചിട്ടും രഹസ്യാന്വേഷണ വിഭാഗം പരാജയപ്പെട്ടത് എന്തുകൊണ്ടാണെന്ന് ചോദ്യം ഉയരുന്നുണ്ട്. സംഭവത്തിൽ വിശദമായ അന്വേഷണം നടത്തുമെന്നും ഒളിവിൽ പോയ പ്രതികൾക്കായി തിരച്ചിൽ ഊർജിതമാക്കിയെന്നും പോലീസ് അറിയിച്ചു
Villagers in Bihar's Katihar district busted a sex racket that had been operating under the guise of a tea stall for the past five years. The illegal business, run by a woman named Basanti Devi at Bhata Tola Chowk, was exposed after local residents caught a customer red-handed. While the operator and others managed to flee, the villagers handed the youth over to the Mufassil police. The incident has raised serious concerns about police negligence, as the racket reportedly flourished for years despite being in a busy locality.