ഛത്രപതി സംഭാജിനഗർ: രാംറായിലെ സാംത കോളനിയിലെ വീടുകളിൽ മലിനജലം കയറി(Sewage water). ദുർഗന്ധം വമിക്കുന്ന മലിനജലമാണ് കയറിയത്. വീടുകളുടെ മുറ്റത്തേക്ക് വെള്ളം നേരിട്ട് കയറിയതോടെ ജനങ്ങൾ ബക്കറ്റുകൾ ഉപയോഗിച്ച് വെള്ളം കോരി കളയുകയാണ് ചെയ്യുന്നത്.
മലിനജലം മൂലം താമസക്കാർ കടുത്ത അസൗകര്യവും ഗുരുതരമായ ആരോഗ്യ പ്രശ്നങ്ങളും നേരിടുന്നതായാണ് വിവരം. അതേസമയം കഴിഞ്ഞ ഒന്നര മാസമായി ഡ്രെയിനേജ് ലൈൻ അടഞ്ഞു കിടക്കുകയാണെന്ന് പ്രദേശവാസികൾ ആരോപിച്ചു. മാത്രമല്ല; പ്രശ്നം പരിഹരിക്കാൻ കർശന നടപടികൾ സ്വീകരിക്കണമെന്ന് ഗ്രാമപഞ്ചായത്ത് അധികൃതരോട് താമസക്കാർ അഭ്യർത്ഥിച്ചു.