ബൊക്കാറോ: ജാർഖണ്ഡിലെ ബൊക്കാറോ ജില്ലയിൽ സുരക്ഷാ സേനയും മാവോയിസ്റ്റുകളും ഏറ്റുമുട്ടി(Maoists). ഏറ്റുമുട്ടലിൽ രണ്ട് മാവോയിസ്റ്റുകൾ കൊല്ലപ്പെടുകയും ഒരു ജവാൻ വീരമൃത്യു വരിക്കുകയും ചെയ്തു. ഗോമിയ പോലീസ് സ്റ്റേഷൻ പരിധിയിലുള്ള ബിർഹോർദേരയിലെ നിബിഡ വനങ്ങളിലാണ് ഏറ്റുമുട്ടൽ ഉണ്ടായത്.
ഇന്ന് രാവിലെ 6 മണിയോടെ സുരക്ഷാ ഉദ്യോഗസ്ഥർ വനം വൃത്തിയാക്കുന്നതിനിടെ തീവ്രവാദികൾ വെടിവയ്പ്പ് നടത്തുകയായിരുന്നു. സുരക്ഷാ ഉദ്യോഗസ്ഥർ നടത്തിയ തിരിച്ചടിയിലാണ് രണ്ട് മാവോയിസ്റ്റുകളും ഒരു ജവാനും കൊല്ലപ്പെട്ടത്.
സി.ആർ.പി.എഫിന്റെ എലൈറ്റ് കോബ്ര -209 ബറ്റാലിയനിലെ ജവാനാണ് വീര മൃത്യു വരിച്ചത്. പ്രദേശത്ത് നടത്തിയ തിരച്ചിലിൽ ഏറ്റുമുട്ടൽ നടന്ന സ്ഥലത്ത് നിന്ന് ഒരു എകെ-47 റൈഫിൾ കണ്ടെടുത്തതായി പോലീസ് അറിയിച്ചു.