തെങ്കാശി: തിരുനെൽവേലിയിലെ പ്രശസ്തമായ ശാന്തി സ്വീറ്റ്സ് കടയിൽ നിന്ന് വാങ്ങിയ ഹൽവയിൽ തേളിനെ കണ്ടെത്തിയതായി പരാതി(Tirunelveli halwa). തെങ്കാശി ജില്ലയിലെ ശങ്കരൻകോവിലിനടുത്ത് കീഴ് അളഗനാച്ചിയാർപുരം സ്വദേശി സുഗന്ധനാബു വാങ്ങിയ ഹൽവയിലാണ് തേളിനെ കണ്ടെത്തിയത്. ജൂലൈ 13 നാണ് സംഭവം നടന്നത്.
തിരുനെൽവേലി ജംഗ്ഷനിലെ ശാന്തി സ്വീറ്റ്‌സിൽ നിന്ന് കാൽ കിലോഗ്രാം ഒന്നര കിലോഗ്രാം പാക്കറ്റ് ഹൽവയാണ് സുഗന്ധനാബു വാങ്ങിയത്. വീട്ടിലെത്തി ഹൽവ പാക്കറ്റ് തുറന്നപ്പോഴാണ് തേളിനെ കണ്ടത്. സംഭവത്തിൽ പോലീസിൽ പരാതി നൽകുമെന്ന് സുഗന്ധനാബു പറഞ്ഞു.
അതേസമയം ശാന്തി സ്വീറ്റ്‌സിന്റെ ഉടമ പരാതി നിഷേധിച്ചു. മാത്രമല്ല; കമ്പനിയുടെ പ്രശസ്തിക്ക് കളങ്കം വരുത്താനുള്ള ഗൂഢാലോചനയാണ് ഇതെന്നും പോലീസിൽ പരാതി നൽകുമെന്നും ഉടമ വ്യക്തമാക്കി.