ന്യൂഡൽഹി: ഡൽഹിയിൽ അമിതവേഗതയിൽ വന്ന ഒരു വാഹനം സ്പ്ലെൻഡർ മോട്ടോർസൈക്കിളിൽ ഇടിച്ചുകയറി അപകടമുണ്ടായി(Road accident). അപകടത്തിൽ 3 പേർ കൊല്ലപ്പെട്ടു. കൊല്ലപ്പെട്ടവർ ഷാഹിദ് (60), ഫൈസ് (28), ഹംസ (12) എന്നിവരാണെന്ന് തിരിച്ചറിഞ്ഞു.
ഇന്ന് പുലർച്ചെ 12:05 ഓടെ ഔട്ടർ റിംഗ് റോഡിലെ മുകുന്ദ്പൂർ ഫ്ലൈഓവറിലാണ് സംഭവം നടന്നത്. സംഭവസ്ഥലത്ത് സിസിടിവി ക്യാമറകൾ ഇല്ലായിരുന്നുവെന്നും അപകടമുണ്ടാക്കിയ വാഹനം കണ്ടെത്താൻ മറ്റു വഴികൾ അന്വേഷിക്കുന്നതായും പോലീസ് അറിയിച്ചു.