വാരണാസി : ഗംഗാ നദിയിലെ ജലനിരപ്പ് ക്രമാതീതമായി ഉയർന്നതോടെ, വാരണാസിയിലെ ഘട്ടുകളിലെ സാധാരണ പ്രവർത്തനങ്ങൾ തടസ്സപ്പെട്ടിരിക്കുകയാണ്. 'ആരതി' ആചാരവും ശവസംസ്കാരവും ഇതിൽ ഉൾപ്പെടുന്നു.(Rising Ganga floods Varanasi ghats)
കഴിഞ്ഞ കുറച്ച് ദിവസങ്ങളായി നേരിയ കുറവുണ്ടായതിന് ശേഷം, ജലനിരപ്പ് വീണ്ടും ഉയരുകയാണ്. വ്യാഴാഴ്ച രാവിലെ, അത് 70.262 മീറ്റർ എന്ന മുന്നറിയിപ്പ് അടയാളം കടന്ന് 70.91 മീറ്ററിലെത്തി, അപകടനില 71.262 മീറ്ററിനടുത്തെത്തിയെന്ന് ആണ് വിവരം.
വാരണാസിയിലെ പ്രശസ്തമായ 'ആരതി' നടത്തുന്ന 'ഗംഗാ സേവാ നിധി'യുടെ മാനേജർമാരുടെ അഭിപ്രായത്തിൽ, ദശാശ്വമേധ ഘട്ടിന്റെ താഴത്തെ ഭാഗങ്ങൾ വെള്ളപ്പൊക്കത്തിൽ മുങ്ങി, സമീപ കെട്ടിടങ്ങളുടെ മേൽക്കൂരകളിൽ ദൈനംദിന ചടങ്ങുകൾ നടത്താൻ സംഘാടകർ നിർബന്ധിതരായി.