ബീഹാർ: ബീഹാറിലെ മോത്തിഹാരി ജില്ലയിൽ ഒരു യുവാവിനെ കൊലപ്പെടുത്താൻ ശ്രമിച്ചതായി റിപ്പോർട്ട്. കമൽ പക്രി ഗ്രാമത്തിലെ 24 വയസ്സുള്ള രോഹിത് കുമാർ എന്ന യുവാവിനാണ്‌ അക്രമത്തിൽ ഗുരുതരമായി പരിക്കേറ്റത്. ഇദ്ദേഹത്തെ മോത്തിഹാരിയിലെ ഒരു സ്വകാര്യ നഴ്സിംഗ് ഹോമിൽ ചികിത്സക്കായി പ്രവേശിപ്പിച്ചു.
കമൽ പക്രി ഗ്രാമത്തിലെ താമസക്കാരനായ ബൽവീന്ദർ ഗുപ്തയ എന്നയാളുടെ വീട്ടിൽ അദ്ദേഹത്തിന്റെ മൂന്ന് കുട്ടികൾക്ക് ട്യൂഷൻ പഠിപ്പിക്കാൻ പോകാറുണ്ടായിരുന്നെന്നും, ഈ സമയത്ത്, ബൽവീന്ദർ ഭാര്യയുമായി മൊബൈൽ ഫോണിൽ സംസാരിക്കാൻ തുടങ്ങിയതായും രോഹിത് പോലീസിനോട് പറഞ്ഞു. ബൽവീന്ദർ ഇക്കാര്യം അറിഞ്ഞപ്പോൾ താൻ അവിടെ ട്യൂഷൻ പഠിപ്പിക്കാൻ പോകുന്നത് നിർത്തിയെന്നും, എന്നാൽ ആ സ്ത്രീ തന്നെ നിരന്തരം വിളിച്ച് വീണ്ടും വരാൻ അഭ്യർത്ഥിച്ചതായും ഇയാൾ പറയുന്നു. നിരന്തരം വിളിച്ചതിനെ തുടർന്ന് ആണ് താൻ ആ വീട്ടിൽ പോയതെന്നും ഇയാൾ പോലീസിനോട് പറഞ്ഞു.
തുടർന്ന് വീട്ടിൽ കയറിയ ഉടനെ ബൽവീന്ദറും ഭാര്യയും ചേർന്ന് തന്നെ ഒരു മുറിയിൽ പൂട്ടിയിട്ട് വാളുകൊണ്ട് ആക്രമിച്ചു. ആക്രമണത്തിൽ കഴുത്തിനും കൈക്കും ഗുരുതരമായി പരിക്കേറ്റു. എങ്ങനെയോ ധൈര്യം കാണിച്ച് അക്രമികളിൽ നിന്ന് വാൾ പിടിച്ചുപറിച്ച് അവിടെ നിന്ന് ഓടിപ്പോകുകയായിരുന്നു എന്നും ഇയാൾ പൊലീസിന് മൊഴി നൽകിയിട്ടുണ്ട്.
ഏഴ് മാസം മുമ്പ് ജിത്പൂർ ആശ്രമം നാരായൺപൂർ സ്കൂളിൽ വെച്ചാണ് ബൽവീന്ദറിന്റെ ഭാര്യയെ താൻ കണ്ടുമുട്ടിയതെന്നും അവിടെ നിന്നാണ് മകൾക്ക് ട്യൂഷൻ നൽകാൻ അവർ ആവശ്യപ്പെട്ടതെന്നും രോഹിത് പറഞ്ഞു. ഇതിനുശേഷം, അവരുടെ വീട്ടിൽ പോയി മൂന്ന് കുട്ടികളെ പഠിപ്പിക്കാൻ തുടങ്ങി. ക്രമേണ ആ സ്ത്രീയുമായുള്ള സംഭാഷണം വർദ്ധിക്കുകയും ഫോണിലൂടെയുള്ള ബന്ധവും ആരംഭിക്കുകയും ചെയ്തു. പക്ഷേ ബൽവീന്ദർ ഇക്കാര്യം അറിഞ്ഞപ്പോൾ കാര്യം കൂടുതൽ വഷളായി.
അതേസമയം , യുവാവിന്റെ കഴുത്തിൽ മൂർച്ചയുള്ള ആയുധം ഉപയോഗിച്ച് ആക്രമിച്ചതായി വിവരം ലഭിച്ചിട്ടുണ്ടെന്ന് കേസരിയ പോലീസ് സ്റ്റേഷനിലെ എസ്എച്ച്ഒ ഉദയ് കുമാർ പറഞ്ഞു. പരിക്കേറ്റ യുവാവ് ഇപ്പോൾ മോതിഹാരിയിൽ ചികിത്സയിലാണ്. ഇതുവരെ കുടുംബാംഗങ്ങളിൽ നിന്ന് രേഖാമൂലമുള്ള പരാതി ലഭിച്ചിട്ടില്ല. പരാതി ലഭിച്ചാലുടൻ ഉചിതമായ നടപടി സ്വീകരിക്കുമെന്നും പോലീസ് പറഞ്ഞു.