ജമ്മു കശ്മീർ: ജമ്മു കശ്മീരിലെ കത്വ ജില്ലയിൽ വനമേഖലയ്ക്ക് സമീപം സംശയാസ്പദമായ പ്രവർത്തനങ്ങൾ നടക്കുന്നുണ്ടെന്ന വിവരത്തെ തുടർന്ന് സുരക്ഷാ സേന തിരച്ചിൽ നടത്തുന്നു(Jammu and Kashmir). ഹിരാനഗറിലെ സലാഹി പ്രദേശത്ത് സംശയാസ്പദമായ മൂന്ന് വ്യക്തികളെ കണ്ടുവെന്ന് പ്രദേശവാസികൾ വിവരം നൽകിയതിനെ തുടർന്നാണ് അന്വേഷണം.
പഹൽഗാം കൂട്ടക്കൊലയിലെ കുറ്റവാളികൾ ഇപ്പോഴും ഒളിവിലാണെന്ന വസ്തുത നിലനിൽക്കെയാണ് സംഭവം നടന്നിരിക്കുന്നത് എന്നത് ആശങ്ക വർദ്ധിപ്പിച്ചിട്ടുണ്ട്. പ്രധാന ഗതാഗത മാർഗങ്ങൾ ഉൾപ്പെടെ മേഖലയിലുടനീളം സുരക്ഷാ നടപടികൾ ശക്തമാക്കിയിട്ടുണ്ട്.