പട്ന:ബിഹാറിലെ പുതിയ തൊഴിൽ നിയമത്തിനും പ്രത്യേക തീവ്ര വോട്ടർ പട്ടിക പരിഷ്കരണത്തിനുമെതിരായ പ്രതിഷേധത്തിനായി കോൺഗ്രസ് നേതാവ് രാഹുൽ ഗാന്ധി ബുധനാഴ്ച പട്നയിൽ എത്തുമെന്ന് ഇന്ത്യാ മുന്നണി നേതാക്കൾ പറഞ്ഞു.(Rahul Gandhi to visit Patna on July 9 )
തിങ്കളാഴ്ച നടന്ന പത്രസമ്മേളനത്തിലാണ് പ്രഖ്യാപനം നടത്തിയത്. നിയമസഭയിലെ പ്രതിപക്ഷ നേതാവ് തേജസ്വി യാദവ്, സംസ്ഥാന കോൺഗ്രസ് പ്രസിഡന്റ് രാജേഷ് കുമാർ, ബിഹാറിന്റെ ചുമതലയുള്ള എഐസിസി കൃഷ്ണ അല്ലവാരു, ഇടതുപക്ഷ പാർട്ടികളുടെ നേതാക്കൾ എന്നിവർ ഇതിൽ പങ്കെടുത്തു.
ലോക്സഭയിലെ പ്രതിപക്ഷ നേതാവായ രാഹുൽ ഗാന്ധി സംസ്ഥാന തലസ്ഥാനത്ത് പ്രതിഷേധക്കാരോടൊപ്പം ചേരുമെന്ന് കുമാർ പറഞ്ഞു. അവിടെ തിരഞ്ഞെടുപ്പ് കമ്മീഷന്റെ ഓഫീസിലേക്ക് മാർച്ച് നടത്താൻ തീരുമാനിച്ചിട്ടുണ്ട്.