ന്യൂഡൽഹി : ഏപ്രിൽ 22-ലെ പഹൽഗാം ഭീകരാക്രമണത്തെത്തുടർന്ന് ഇന്ത്യ-പാകിസ്ഥാൻ സംഘർഷത്തിൽ മാതാപിതാക്കളെ നഷ്ടപ്പെട്ട 22 കുട്ടികളുടെ പഠനച്ചിലവടക്കം ഏറ്റെടുക്കാൻ തീരുമാനിച്ച് രാഹുൽ ഗാന്ധി. പാകിസ്ഥാൻ ഷെല്ലാക്രമണത്തിൽ മാതാപിതാക്കളെയോ കുടുംബത്തിന്റെ ഏക ആശ്രയത്തെയോ നഷ്ടപ്പെട്ട പൂഞ്ചിലെ 22 കുട്ടികളുടെ വിദ്യാഭ്യാസ ചെലവുകൾ അദ്ദേഹം വഹിക്കുമെന്ന് ജമ്മു കശ്മീർ കോൺഗ്രസ് മേധാവി താരിഖ് ഹമീദ് കർറ പറഞ്ഞു.(Rahul Gandhi to bear education expenses of 22 students who lost their parents in Pak shelling )
കുട്ടികൾക്ക് പഠനം തുടരാൻ സഹായിക്കുന്നതിനായി സഹായത്തിന്റെ ആദ്യ ഗഡു ബുധനാഴ്ച പുറത്തിറക്കുമെന്ന് കര പറഞ്ഞു. "ഈ കുട്ടികൾ ബിരുദം നേടുന്നതുവരെ സഹായം തുടരും," അദ്ദേഹം കൂട്ടിച്ചേർത്തു.
മെയ് മാസത്തിൽ പൂഞ്ചിൽ സന്ദർശനം നടത്തിയ രാഹുൽ ഗാന്ധി, കുട്ടികളുടെ പട്ടിക തയ്യാറാക്കാൻ പ്രാദേശിക പാർട്ടി നേതാക്കളോട് ആവശ്യപ്പെട്ടു. തുടർന്ന്, ഒരു സർവേ നടത്തുകയും സർക്കാർ രേഖകൾ പരിശോധിച്ച ശേഷം കുട്ടികളുടെ പേരുകൾ അന്തിമമാക്കുകയും ചെയ്തു. രാഹുൽ ഗാന്ധി ക്രൈസ്റ്റ് പബ്ലിക് സ്കൂളും സന്ദർശിച്ചു.