ന്യൂഡൽഹി : കോൺഗ്രസ് നേതാവ് രാഹുൽ ഗാന്ധി താൻ ഒരു രാജാവാകാൻ ആഗ്രഹിക്കുന്നില്ലെന്നും അതിന്റെ ആശയത്തിന് തന്നെ എതിരാണെന്നും പറഞ്ഞ് രംഗത്തെത്തി. "ഭരണഘടനാ വെല്ലുവിളികൾ: കാഴ്ചപ്പാടുകളും പാതകളും" എന്ന ഒരു ദിവസം നീണ്ടുനിന്ന കോൺക്ലേവിന്റെ ഉദ്ഘാടന പ്രസംഗത്തിൽ ആയിരുന്നു അദ്ദേഹത്തിൻ്റെ പരാമർശം.(Rahul Gandhi against the concept of being king )
അദ്ദേഹം പ്രസംഗം ആരംഭിച്ചയുടനെ, വിജ്ഞാൻ ഭവൻ ഹാളിലെ സദസ്സ് "ഇസ് ദേശ് കാ രാജ കൈസാ ഹോ, രാഹുൽ ഗാന്ധി ജയ്സാ ഹോ" എന്ന മുദ്രാവാക്യങ്ങൾ ഉയർത്താൻ തുടങ്ങി. ഇതിന് അദ്ദേഹം മറുപടി നൽകി, "നോ ബോസ്, മേൻ രാജ നഹിൻ ഹുൻ. രാജ ബനാന ഭി നഹിൻ ചാഹ്താ ഹുൻ. മേൻ രാജാ കെ എഗെയിൻസ്റ്റ് ഹുൻ, കൺസെപ്റ്റ് കെ ഭി എഗെയിൻസ്റ്റ് ഹുൻ (വേണ്ട ബോസ്, ഞാൻ രാജാവല്ല. എനിക്ക് രാജാവാകാൻ ആഗ്രഹമില്ല. ഞാൻ രാജാവിനെ എതിർക്കുന്നു, ഞാൻ ആ ആശയത്തിന് തന്നെ എതിരാണ്)".
പ്രധാനമന്ത്രി നരേന്ദ്ര മോദിയെ "രാജ" എന്ന മുദ്രാവാക്യത്തിലൂടെ രാഹുൽ ഗാന്ധി ആക്രമിച്ചിട്ടുണ്ട്.