ന്യൂഡൽഹി: ഐഎസ്‌ഐ പിന്തുണയുള്ള ബബ്ബർ ഖൽസ ഭീകര സംഘടനയിലെ അഞ്ച് പേരെ പഞ്ചാബ് പോലീസ് അറസ്റ്റ് ചെയ്തു(terror attack). പോലീസും ഭീകരവാദികളും തമ്മിലുള്ള വെടിവയ്പ്പിൽ ഭീകര ശൃംഖല തകർത്തതായും റിപ്പോർട്ടുണ്ട്. വെടിവയ്പിൽ അഞ്ച് പ്രതികളിൽ ഒരാൾക്ക് പരിക്കേറ്റു.
ഇവർ ടോങ്ക്, ജയ്പൂർ ജില്ലകളിൽ ഭീകരവിരുദ്ധ നീക്കം നടത്തിയതായി ശ്രദ്ധയിൽപെട്ടതോടെയാണ് അന്വേഷണം നടന്നത്. പാകിസ്ഥാനിലുളള ബികെഐ പ്രവർത്തകൻ ഹർവീന്ദർ റിന്ദയുടെ നിർദ്ദേശ പ്രകാരമാണ് ശൃംഖല പ്രവർത്തിച്ചിരുന്നതെന്നാണ് വിവരം. അതേസമയം സ്വാതന്ത്ര്യദിനത്തിൽ പഞ്ചാബിൽ ആക്രമണം നടത്താൻ ഭീകരർ പദ്ധതിയിട്ടതായും വിവരമുണ്ട്.