ശ്രീഹരിക്കോട്ട: കഴിഞ്ഞ വർഷത്തെ പരാജയത്തിന് പിന്നാലെ ശക്തമായ തിരിച്ചുവരവിനൊരുങ്ങി ഐഎസ്ആർഒ. ഇന്ത്യൻ ബഹിരാകാശ ഗവേഷണ സംഘടനയുടെ വിശ്വസ്ത വാഹനമായ പിഎസ്എൽവിയുടെ 62-ാം ദൗത്യം (PSLV-C62) ഇന്ന് നടക്കും. ഭൗമനിരീക്ഷണ ഉപഗ്രഹമായ ഇഒഎസ്-എൻ1 (അന്വേഷ) ഉൾപ്പെടെ 16 പേലോഡുകളുമായി രാവിലെ 10.17-ന് ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിൽ നിന്നാണ് റോക്കറ്റ് വിക്ഷേപിക്കുക.(PSLV is soaring to success again, ISRO's first launch of the year today)
ഈ വർഷത്തെ ഐഎസ്ആർഒയുടെ ആദ്യ വിക്ഷേപണമാണിത്. ഡിആർഡിഒ നിർമ്മിച്ച അത്യാധുനിക ഭൗമനിരീക്ഷണ ഉപഗ്രഹമാണിത്. ഹൈപ്പർ സ്പെക്ട്രൽ ഇമേജിംഗ് സാങ്കേതികവിദ്യ ഉപയോഗിച്ച് ഭൂമിയുടെ വ്യക്തമായ ചിത്രങ്ങൾ പകർക്കാൻ ഇതിന് സാധിക്കും.
അന്വേഷയ്ക്ക് പുറമെ വിദേശ രാജ്യങ്ങളിൽ നിന്നുള്ളതടക്കം പതിനഞ്ചിലധികം ചെറു ഉപഗ്രഹങ്ങളും ഈ ദൗത്യത്തിന്റെ ഭാഗമാണ്. രണ്ട് ചെറു സ്ട്രാപ്പോണുകളുള്ള റോക്കറ്റ് പതിപ്പാണ് വിക്ഷേപണത്തിന് ഉപയോഗിക്കുന്നത്.