മണിപ്പൂരിലെ ജനങ്ങളെ സേവിക്കാൻ സാധിച്ചതിൽ അഭിമാനമുണ്ടെന്ന് എൻ ബിരേൻ സിങ് വ്യക്തമാക്കി. രാജിക്കത്തിലായിരുന്നു തന്റെ പരാമർശം. ഓരോ മണിപ്പൂരിയുടെയും താൽപ്പര്യം സംരക്ഷിക്കുന്നതിനായി സമയബന്ധിതമായ നടപടികൾ, ഇടപെടലുകൾ, വികസന പ്രവർത്തനങ്ങൾ, നടത്തിയതിൽ കേന്ദ്രസർക്കാരിനോട് കടപ്പാടുണ്ടെന്ന് ബിരേൻ സിങ് വ്യക്തമാക്കി.
രാജിക്കത്തിൽ കേന്ദ്രത്തിനോട് നിരവധി അഭ്യർത്ഥനകളും ബിരേൻ സിങ് നടത്തിയിട്ടുണ്ട്. മണിപ്പൂരിന്റെ പ്രാദേശിക സമഗ്രത നിലനിർത്തണമെന്നും നുഴഞ്ഞുകയറ്റം തടയുന്നതിനും അനധികൃത കുടിയേറ്റക്കാരെ നാടുകടത്തുന്നതിനുള്ള നയം രൂപീകരിക്കണമെന്നും കേന്ദ്രത്തിനോട് ബിരേൻ സിങ് അഭ്യർത്ഥന നടത്തി. മയക്കുമരുന്നിനും നാർക്കോ ഭീകരതയ്ക്കുമെതിരായ പോരാട്ടം തുടരണെമെന്നും ബയോമെട്രിക് ഉപയോഗിച്ചുള്ള എഫ്എംആറിന്റെ കർശനവും സുരക്ഷിതവുമായ പരിഷ്കരിച്ച സംവിധാനം തുടരണമെന്നും രാജിക്കത്തിൽ ബിരേൻ സിങ് ആവശ്യപ്പെട്ടു.