ന്യൂഡൽഹി: യുഎസിലേക്കുള്ള ഔദ്യോഗിക പാർലമെന്ററി സന്ദർശനത്തിനിടെ, നയതന്ത്ര മാർഗങ്ങൾ മറികടന്ന്, യുഎസ് പ്രസിഡന്റ് ഡൊണാൾഡ് ട്രംപുമായി യുവ ബിജെപി എംപി സ്വതന്ത്രമായി ഒരു കൂടിക്കാഴ്ച സംഘടിപ്പിച്ചുവെന്നും ഇന്ത്യൻ പ്രതിനിധി സംഘത്തെ നാണം കെടുത്തിയെന്നും ആരോപിച്ച് കർണാടക മന്ത്രി പ്രിയങ്ക് ഖാർഗെ.(Priyank Kharge flags protocol breach)
“ഇത് വെറുതെയുള്ള രാഷ്ട്രീയ ഗോസിപ്പല്ല. ഇന്ത്യയുടെ സ്ഥാപനപരമായ സമഗ്രതയ്ക്കും നയതന്ത്ര നിലയ്ക്കും നേരെയുള്ള ഗുരുതരമായ അപമാനമാണിത്,” കൂടിക്കാഴ്ചയെക്കുറിച്ച് വിദേശകാര്യ മന്ത്രാലയത്തോട് (എംഇഎ) അറിയിച്ചിരുന്നോ എന്ന കാര്യത്തിൽ മറുപടി നൽകണമെന്ന് ആവശ്യപ്പെട്ട് പ്രിയങ്ക് ഖാർഗെ എക്‌സിൽ പോസ്റ്റ് ചെയ്തു.