ന്യൂഡൽഹി: ന്യൂഡൽഹിയിൽ കർത്തവ്യ ഭവൻ പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു(Kartavya Bhavan). 10 പൊതു സെൻട്രൽ സെക്രട്ടേറിയറ്റ് കെട്ടിടങ്ങളിൽ ആദ്യത്തേതായ കർത്തവ്യ ഭവനിലാണ് ഇനിമുതൽ ഡൽഹിയിലുടനീളം സ്ഥിതി ചെയ്യുന്ന എല്ലാ കേന്ദ്ര സർക്കാർ മന്ത്രാലയങ്ങളും വകുപ്പുകളും പ്രവർത്തിക്കുക.
കാര്യക്ഷമത, നവീകരണം, സഹകരണം എന്നിവ ഒരു കുടകീഴിൽ കണ്ടുവരാനാണ് വിവിധ മന്ത്രാലയങ്ങൾ ഒന്നിച്ച് സമന്വയിപ്പിച്ചിരിക്കുന്നത്. അതേസമയം പഴയ മന്ത്രാലയ ഓഫീസുകളിൽ റെയ്‌സിന കുന്നിലെ രണ്ട് ബ്ലോക്കുകൾ മ്യൂസിയമാക്കി മാറ്റാനാണ് തീരുമാനം.